Arkitektúr og skipulag - 01.08.1988, Qupperneq 65

Minnisvcirði heitci votnsins
Arkitekt: Ingimundur Sveinsson Verkfrœðingar: Fjarhitun h/f Rafteikning h/f Byggingaraðili: Hitaveita Reykjavíkur
Efst á Öskjuhlíöinni munu standa 6 silfurlitaöir
hitaveitugeymar og ofan á þeim speglandi
hálfkúla úr gleri: „Minnisvarði heita vatnsins",
„lýsandi perla“, eöa „yfirbyggður aldingarður", vetr-
argarður sem heita vatnið hefur skapað.
Þetta mannvirki sem er í byggingu efst á Öskjuhlíð-
inni er allsérstætt að mörgu leyti. Þyrping hitaveitu-
geyma með sín ávölu form efst á grasi gróinni
öskjuhlíðinni myndar mjög sérstakt kennileiti í
borgarmyndinni. Gleryfirbyggingin, sem sækirform
sitt til ávalrar hlíðarinnar, á sér enga hliðstæðu í
byggingarlist (slendinga. Það er líka mjög sérstætt
að byggt sé hús sem minnisvarði og allt, sem í því
er, sé tengt því.
En hvers vegna er þetta mannvirki byggt? Við höf-
um jarðhitanum mikið að þakka með tilliti til legu
landsins á þessum norðlægu slóðum. Jarðhitinn
hefur gert okkur kleift að njóta margra þeirra þæg-
inda sem við eigum við að búa í dag. Borgin hefur
komið upp Hitaveitu Reykjavíkur til þess aö virkja
þessa orku í formi heits vatns. Hitaveitugeymarnir á
Öskjuhlíð eru því tákn um sérstöðu okkar íslendinga
með tilliti til heita vatnsins, sameiginlegt átak borg-
arbúa sem þurfti til að virkja það og Hitaveitu
Reykjavíkur sem framkvæmdi það. Þessu verki er
að mestu lokið í dag þar sem hitaveitukerfið nær yf-
ir allt höfuðborgarsvæðið. Tími var kominn til að
endurnýja hitaveitugeymana á Öskjuhlíð og þótti því
tilvalið tækifæri að kóróna verkið með minnisvarða
yfir heita vatnið.
►
63