Arkitektúr og skipulag - 01.03.1990, Síða 26

ÞRÓUN í BYGGINGU
IÞROTTAHUSA
egar ræðaáumþróunbygginga fyrir íþróttaiðkun
h é r á landi, er í raun ekki ástæða að fara lengra
aftur entilupphafs20. aldarinnar. Ení byrjun
hennar var fimleikasalur Miðbæjarbamaskól-
ans byggður. Var það fyrsti salurinn sem byggður
var við bamaskóla. Það þótti mikið framtak á
þeim tíma. Stærð salarins var 8,0 x 16,0 m og þótti hann mjög
stór. Stærð hans var í langan tíma fyrirmynd annarra sala er
byggðir voru. T.d. er salur í Austurbæjarbarnaskólanum sem
lokið var við árið 1926 af sömu stærð, en nokkru hærra til lofts.
Lengi máttu bæði skólaböm og íþróttafólk í íþróttafélögum
una við að æfa sig eingöngu í umræddri stærð íþróttasala.
Árið 1930 keypti Knattspymufélag Reykjavíkur
samkomuhúsið „Báruna“ við Vonarstræti 11, til þess að breyta
húsinu í íþróttahús, hlaut það nafnið íþróttahús K.R. Eftir
breytinguna var samkomusalurinn á- 1. hæð notaður sem
íþróttasalur félagsins í næstu 10 ár. Stærð hans var 11,0 x 17,0
m og þótti því allgóður miðað við aðra sali er þá voru notaðir.
En þá voru fyrst og fremst fimleikar iðkaðir innanhúss, svo og
glíma. Með tilkomu K.R.-hússins við Vonarstræti var tekið til
við að iðka fleiri greinar innanhúss, eins og t.d. knattspyrnu og
frjálsar íþróttir. Auðvitað var salurinn of lítill til þess, en var
látinn duga, þar sem ekki var í önnur hús að venda
Þegar hin veglega kirkja kaþólskra manna var tilbúin
til notkunar 1933, fékk f.R. gömlu kirkju safnaðarins til
afnota, sem íþróttahús. Var kirkjuhúsið þá flutt nokkru ofar
við Túngötu og hefur félagið notað húsið sem sitt íþróttahús
og gerir enn. Þar sem salurinn er lítill bætti hann ekki úr þeim
vanda, sem steðjaði að félaginu við að geta tekið upp nýjar
greinartil æfinga innanhúss. En vissulega var það mikils virði
að fá einn nýjan sal til æfinga, þar sem félögin voru í stöðugum
vandræðum með æfingarými fyrir ört vaxandi íþróttastarfsemi
sína.
Á kreppuárunum þótti ekki fýsilegt að byggja
íþróttahús til að leysa aðsteðjandi vandamál þjóðarinnar. Þó
fór svo, að einn ofurhugi réðst í að byggja íþróttahús með
tveimur íþróttasölum fyrir eigin reikning. Var það
íþróttafrömuðurinn Jón Þorsteinsson. sem réðst í þessa
framkvæmd árið 1935, og var húsið fullgert tveimur árum
síðar.
Bygging K.R.-heimilisins, 1943. Hæð hússins takmarkaðist af
aðstöðu til að steypa burðarbita.
24