Arkitektúr og skipulag - 01.03.1990, Qupperneq 64

safninu, og gólfið gefur myndræn tengsl við fortíð okkar frá
torfbæjunum. Aðkomu að hreinlætisaðstöðunni er komið
fyrir bak við hallandi giervegg með rennandi vatni. Vatnið
gefur tengsl við íslenskar fjallasytrur, samtímis sem það er
tákn hreinleikans. Persónur, sem standa bak við rennandi
vatnið á glerinu, birtast í óskýrri mynd líkt og
persónugervingarKjarvalsílandslagsmyndunum. Göngineru
hönnuð bogadregin og það gerir að verkum, að safngestir
upplifa ekki sjálft safnið fyrr en að lokum, eftir göngu í
gegnum lífsskeið Kjarvals. Sjálft Kjarvalssafn opinberast við
enda ganganna, og aðkoman er mörkuð með stóru ofanljósi.
Stór og veigamikill glerstigi leiðir gesti niður í safnið sem er
eitt stórt rými, deilanlegt með lausum skilveggjum.
Grunnmynd safnsins er mótuð með áhrifum frá formi li-
taspjaldsins, með vægt bogadregnum veggjum. Markmið
með bogadregnum veggjum er að ná fram „horisont“
leikhússins, sem gefur ímynd óendanlegs rýmis. A þennan
hátt munu myndir Kjarvals standa sem sjálfstæð myndsköpun
írýminu. Gólfsafnsinsertvískiptíhæð,ogerannarhlutigólfs
40 sm hærri, en það gefur betri yfirsýn yfir safnið í heild.
Færanlegir skilveggir skapa möguleika á frekari skiptingu
safnsins í minni einingar.
LÝSING
Rannsóknir á áhrifum dagsbirtu á málverk hafa sýnt
fram á að litir dofna í dagsljósi. Sérfræðingar víða um heim
aðhyllast því æ meir rafmagnsljós í söfnum. Lýsing í
Kjarvalssafni mun því að mestu leyti verða rafmagnslýsing.
Þörf á rafmagnslýsingu umfram dagsbirtu hefur því haft mikið
að segja hvað varðar staðsetningu og alla byggingarlistarlega
meðhöndlun Kjarvalssafns.
UMFERÐ FATLAÐRA
Aðkomuleið frá Kjarvalsstöðum í Alfastein verður
útbúin stigalyftu fyrir hjólastóla. Tengigangur, er mótar
lífsskeið Kjarvals, hefur viðunandi halla fyrir aðkomu
fatlaðra. Tengigangur tengist lyftu við aðkomu í Kjar-
valssafn. Lyftan er aðgengileg frá gangi, safni, ogeinnigfrá
Miklatúni.
MEÐHONDLUN MIKLATUNS
Þak Kjarvalssafns myndar torg á miðju Miklatúni.
Torgið liggur í sömu hæð og túnið. Staðsetning safnsins
(torgsins) á miðju Miklatúni hefur mikið gildi hvað varðar
skilgreiningu á miðbiki túnsins og mótar miðpunkt stíganna.
Staðsetning torgsins hefur einnig þýðingu í samspili við
miðássuppbyggingu Kjarvalsstaða, og mun því hafa sjónrænt
gildi frá Kjarvalsstöðum séð. Torgið er umlukið hringlaga
tjörn til nánari áherslu á þetta miðsvæði. Fjórar brýr, sem
liggja við tjarnaryfirborðið, tengjast túninu. A vetuma mun
gufustrók leggja frá tjöminni, og gefa ímynd heitra hvera
náttúrunnar. A torginu rísa einstakir skilveggir með áföstum
bekkjum. Skilveggirnir mynda skjólgóð rými, og eru ýmist
meðhöndlaðir eins og höggmyndir eða eru bakgrunnur fyrir
höggmyndir. Stigahús og lyftuhús tengja safnið við Miklatún.
Frá torginu rís einnig „fjall“, sem abstraksjón á mörgum
myndefnum Kjarvals. Markmið torgsins er að skapa meira
notagildi fyrir Miklatún, með fjölbreyttari meðhöndlun.
Torgið er nýr staður á Miklatúni sem gefur nýja og forvitnilega
nýtingarmöguleika. Garðsvæðinu í kringum torgið verður
hagrætt í samræmi við aukið gildi miðsvæðisins. Hringlaga
mótun með runnum mun styrkja mótun miðbiksins, og komið
verður fyrir höggmyndum í tengslum við þetta svæði.
Núverandi leikvöllur er ófullgerður og nýtist illa. Leiksvæðið
verður flutt nær Kjarvalsstöðum og Kjarvalssafni (torginu),
og einnig stækkað. Leiksvæðið verður umlukið runnum til
skjóls. Lýsingu verður komið fyrir á túni og torgi, og mun
henni beint til að undirstrika einstaka þætti torgsins. Fjallið
mun hljóta dularfulla birtu í skammdeginu, og gufustrókur
tjamarinnar að vetri til mun sveipa fjallið álfablæ í
hulduheimum. ■
GUÐMUNDUR JÓNSSON
KJARVALSSAFN HEFUR
VERIÐ KYNNT EFTIFARANDI
AÐILUM:
-Borgarskipulagi -
Borgarverkfræðingi -Borgarstjóra -
Brunamálastofnun -Eldvarnareftirliti
-Cíarðyrkjustjóra -Landslagsarkitekt
Miklatúns -Arkitekt Kjarvalsstaða
-,,Meirihluta“ í borgarstjórn (að
beiðni).-„Minnihluta“
í borgarstjórn
(að beiðni).
Líkan af lóð.
62