Arkitektúr og skipulag - 01.03.1990, Qupperneq 91

starfsemi og vera traust og varanlegt. í seinni tíð hafa orðið
miklar hræringar í byggingarlist og í þessu húsi gætir þeirra
áhrifa. Útlit byggingarinnar byggistá samspili hreinnaforma,
þ.e. tenings, hrings og þríhymings, þar sem efnisval gegnir
einnig stóru hlutverki.
Húsið er sjö hæðir auk kjallara og telst götuhæðin þá
vera fyrsta hæð en aðalaðkoma er á annarri hæð. Götuhæð
hússins þekur mestalla lóðina og þar eru bflageymslur fyrir 50
bfla auk skrifstofurýmis en þar undir er kjallari fyrir geymslur
og tæknirými. Birta næst niður í bílageymsluna og skrifstofur
á götuhæð að hluta með skágluggum, sem ganga út úr húsinu
að vestan og að austanverðu. Þessir stóru hallandi gluggar,
sem setja svip á húsið þjóna einnig þeim tilgangi að stækka og
jafnframt tengja saman neðstu hæðir byggingarinnar.
Grunnform hússins er teningur og burðargrind þess
einföld. Auk útveggja er burður í lyftu- og stigahúsi og þrem-
ur súlum þar sem jafnframt eru lagnaleiðir.
Aðkoma hússins er fyrst og fremst úr suðri en jafnframt
tengist húsið torgi sunnan við H.v., en göngubrú erfyrirhuguð
frá því torgi og yfir að verslunarmiðstöðinni Kringlunni.
A efstu hæð hússins, þar sem m.a. er matsalur og
fundarherbergi, eru hallandi gluggar, sem ná að efri brún þaks
sem er flatt. Þetta leiðir til þess að neðan frá sést ekki þakið eða
þakkantur heldur eingöngu hallandi gluggafletimir.
Bogadregnar útbyggingar 6. hæðar veita einnig svigrúm til að
hafa svalir á efstu hæð til austurs og vesturs.
Útveggir byggingarinnar eru klæddir blágráu graníti
frá Þýskalandi en því miður hefur ráðgjöf og tækniþekking á
þessu sviði verið mjög takmörkuð hér. Því voru fengnir
Þjóðverjar til ráðuneytis við frágang útveggjanna í byrjun, en
hann er í raun mjög einfaldur.
Bogaveggir kringum stigahús og á 6. hæð eru klæddir
Alucobund álplötum. Gluggakarmar eru úr áli og þá er hægt að
opna á ýmsa vegu og jafnframt þrífa innan frá. I gluggum er
sérstakt gler, sem dregur verulega úr sólarálagi. Ljóst granít er
á gólfum þar sem umferð er mest, en annars er viðargólf. I
loftum eru hengiloft úr hvítlökkuðum állistum og plötum. I
kringum snyrtingar eru bogadregnir veggir klæddir áli. Þar
sem opið er á milli hæða er gróður í til þess gerðum kössum.
Gott samstarf var við byggingamefnd hússins. Verkfræðistofan
Ferill hf. sá um burðarþol en Forsjá sf. um lagnir og
loftræstingu. Rafteikningar voru í höndum Tómasar Kaaber.
Jón B. Stefánsson verkfræðingur var byggingarstjóri en verk-
taki var Álftárós hf. Stærð hússins er 5.352 m2 og 17.304 m2
með bflageymslu. Byggingarkostnaður á verðlagi í janúar
1990 var rúmar 100.000 kr. á m2. ■
INGIMUNDUR SVEINSSON
89