AVS. Arkitektúr verktækni skipulag - 01.12.1995, Side 27

m
(/)
KENNSLA I BYGGINGARLIST I
LISTAHÁSKÓLA ÍSLANDS
Asíðastliðnu vori samþykkti Alþingi lög
um listmenntun á háskólastigi og þar
með var tekin ábyrg afstaða til stofnunar
Listaháskóla íslands um leið og lögð var
áhersla á virka samvinnu hinna ýmsu listgreina.
Mikilvægt er að samstarfið nái þegar í upphafi til
flestra listgreina.
í lögum er kveðið á um nýjar leiðir í rekstri skólans
sem sjálfseignarstofnunar í samvinnu ríkis, Reykjavík-
urborgar og félags um Listaháskóla íslands.
Slíkt rekstrarform kallar á gagnkvæmt eftirlit og virka
endurnýjun í starfsemi. Með stofnun listaháskóla
fengu hugmyndir um arkitektaskóla byr undir báða
vængi enda augljósir kostir að ganga inn í samstarf
við mótun vaxandi stofnunar.
Félag um Listaháskóla íslands var stofnað fyrr í
þessum mánuði og kjörnir 5 menn í stjórn, einn fulltrúi
hverrar listgreinar, þ.e. arkitektúr, leiklist, listdans,
myndlist og tónlist. Ljóst er að kennslu í arkitektúr
verður að móta í áföngum þó að nú þegar megi
marka ákveðnar grunnlínur.
í grein undirritaðs í síðasta tölublaði AVS um sumar-
námskeið íslenska arkitektaskólans (ÍSARK) er fjallað
um aðdragandann að stofnun arkitektaskólans.
Líta má á sumarnámskeið ÍSARK sem fyrsta þáttinn
í reglulegri kennslu í arkitektúr á íslandi og hefur þessi
starfsemi aflað okkur viðurkenningar og góð tengsl
hafa tekist við erlendar menntastofnanir.
f ár viðurkenndi NORDISK ARKITEKTURAKADEMIE,
samtök norrænna arkitektaskóla, ÍSARK sem ellefta
norræna arkitektaskólann. Þessi viðurkenning er
mjög mikilvæg og lykill að frekara samstarfi.
í upphafi gæti kennslan miðast við eins til tveggja
ára áfangaskipt nám sem byggðist á félagslegri og
náttúrlegri sérstöðu umhverfis okkar.
Leitað yrði eftir samstarfi annarra arkitektaskóla með
þátttöku erlendra kennara enda yrði kennslan jafn-
framt sniðin fyrir erlenda nemendur. Tekið verði mið
af auknu samstarfi skóla í anda NORDPLUS og
ERASMUS samvinnuverkefna þar sem gert er ráð
fyrir að nemendur geti stundað nám við fleiri en einn
skóla (farnemar). Samaáviðum kennara, þeirgeta
flutst á milli skóla.
Margt bendir til þess að íslenski skólinn geti orðið
virkur hlekkur í samstarfi arkitektaskóla í Evrópu,
Bandaríkjunum og Kanada. Ég tel að réttast væri að
stefna að fullgildum skóla hér sem útskrifaði arkitekta,
en slíkt verður reynslan að leiða í Ijós.
Mjög áhugavert væri, að nemendur, sem vinna að
lokaverkefni tengdu íslensku umhverfi, geti unnið að
verkefninu við skólann.
Eftirmenntun fyrir starfandi arkitekta yrði fljótlega tekin
á námsskrá, svo og leiðbeinandi námskeið fyrir unga
arkitekta sem hér hefja störf.
Mjög hefur skort á að námsmenn.sem hefja vilja nám
í arkitektúr, hafi greiðan aðgang að gagnlegum
upplýsingum um námið og þá skóla sem veita viður-
kennda menntun í arkitektúr. Þessa upplýsingastarf-
semi gæti skólinn annast.
Byggingarlist er rammur þáttur í menningararfleifð
okkar og menningarminjar eru margar í landinu sem
þarfnast verndar og það stendur næst okkur að taka
upp kennslu í húsvernd þar sem byggt væri á rann-
sóknum okkar og reynsluhefð.
Brauðryðjandastarf Harðar Ágústssonar við skrán-
ingu byggingarlistasögu okkar og húsafriðun er öllum
kunnugt, og eflaust hefði starfandi skóli létt honum
starfið.
Byggingarrannsóknir í samvinnu við stofnanir eins
og Rannsóknastofnun byggingariðnaðarins, Hús-
næðisstofnun og Iðntæknistofnun yrðu virkur þáttur
í skólastarfinu. Með þessum skrifum er aðeins drepið
á nokkra þætti sem telja má mikilvæga við mótun
skólastarfs í arkitektanámi.
Með stofnun arkitektaskóla á íslandi er ekki aðeins
stigið skref fram á við í málefnum arkitektanema,
heldur er það mikilvægt fyrir starfandi arkitekta og
mun efla almenna þekkingu á raunverulegum gildum
byggingarlistar. ■
25
EINAR ÞORSTEINSSON, ARKITEKT