AVS. Arkitektúr verktækni skipulag - 01.04.1999, Qupperneq 38

hugmyndir um að auka fjölbreytni þjónustu á sviði
heilsuræktar við þær og samnýta þannig umhverfi
og aðstöðu.
Vegna þeirrar áherslu sem lögð hefur verið á
uppbyggingu útilauga fyrir almenning hefur dregist
að koma upp keppnisaðstöðu fyrir sundíþróttina
sem stenst alþjóðlegar kröfur. í samkeþþni þessari
var því óskað eftir hugmyndum að yfirbyggðri
keppnislaug er tengjast skyldi núverandi mann-
virkjum Laugardalslauganna. í forsögn var jafn-
framt óskað eftir tillögu að því hvernig einkarekin
heilsuræktarstöð gæti hugsanlega tengst starf-
semi og útisvæðum lauganna.
Segja má að í tillögu þeirri sem hér er sýnd og
hlaut fyrstu verðlaun sé mikil áhersla lögð á
tengingu hugsanlegrar einkarekinnar þjónustu-
starfsemi á sviði heilsuræktar við laugarnar. í end-
anlegri mynd sér höfundur fyrir sér hringlaga bygg-
ingu með innri göngugötu er tengi saman rekstr-
araðila sem bjóða ýmsa heilsubætandi þjónustu.
Bygging þessi myndi í fullri stærð umlykja laugar-
svæðið og tengjast áhorfendastúku að austan-
verðu. Þannig myndar hún lokaðan garð með
laugum, þottum, sólbaðslautum og boltavöllum.
Bygging og garður verða þannig ein heild sem
ekki verða að skilin.