AVS. Arkitektúr verktækni skipulag - 01.03.2003, Qupperneq 13

Útibúi íslandsbanka að Laugavegi
116 er í húsi sem Gunnlaugur
Halldórsson arkitekt teiknaði í anda
„nytjastefnunnar”. Ný ásýnd
útibúsins tekur mið af þessu.
Framhliðin er glerjaður álrammi í
sama fleti og útveggur. í ál-
rammanum er anddyri, hraðbanki
og stór gluggi á afgreiðslusalnum.
Leitast er við að hafa gluggafletina
sem stærsta til að auka sýnileika og
gegnsæi útibúsins. Fyrirkomulag
afgreiðslurýmisins er einfalt og
rökvíst. Gjaldkerar eru fremst í
rýminu en þjónustufulltrúar innar til
að tryggja þeim meiri ró.
Aðrir hlutar útibúsins eru til hliðar og
innst í því. Með þessu móti verður
afgreiðslusalurinn stærri og rúm-
betri. Glerfletir eru notaðir til að
stækka afgreiðslusalinn enn frekar,
þannig undirstrikar sandblásinn
glerflötur innst í útibúinu dýpt
rýmisins og veitir birtu inn í það.
Einnig eru vinnustöðvar þjónustu-
stjóra og féhirðis glerjaðar til að
tryggja sjónræn tengsl. Skipting
rýmisins er undirstrikuð í efnisvali.
Loft eru klædd niður til að tryggja
hljóðvist og lagnaleiðir án þess að
skerða ásýnd og áhrif burðarvirkis
hússins.
Einnig var innréttað nýtt útibú í
verslunarmiðstöðinni Smáralind í
Kópavogi. Yfirbragð þess tekur
mið af því að það er staðsett inni í
stórri verslanamiðstöð. Efnisnotkun
er í takt við aðstæður, steinsteyptir
veggfletir eru áberandi, þar sem
steypan stendur ómeðhöndluð og
myndar bakgrunn fyrir innréttingar
og mótar efnisval. Allt fyrirkomulag
og yfirbragð styðst við sömu mark-
mið og í útibúinu að Laugavegi 116.
Lofthæð er nýtt til hins ítrasta.
Þjónustu- og sölufulltrúar eru
staðsettir nær hringiðu verslunar-
kjarnans og eru vel sýnilegir
frá aðalgönguæð kjarnans. ■
Útíbú íslandsbanka í Smáralínd í Kópavogi.