AVS. Arkitektúr verktækni skipulag - 01.03.2003, Blaðsíða 20

Upplifun í stað
hefðbundins
gistirýmis!
Mikið vatn hefur runnið til sjávar
síðan fyrstu hótelin voru hönnuð
með tilkomu staðlaðra kerfa fyrir
hótelrými og gesti þeirra.
í dag eru hótel hönnuð með tilliti til
sérþarfa markhópa og lífstíls gesta.
En eitt slíkt hótel er að finna í
hundraðogeinum Reykjavík.
Ingibjörg Pálmadóttir hönnuður fann
ákjósanlegan stað í húsi byggðu
1936, teiknuðu af Þóri Baldvinssyni,
þar sem hún gaf sköpunargleðinni
lausan tauminn og hannaði vistar-
verur í lífstílshótel á heimsmæli-
kvarða, allt frá vatnslögnum og
uppá veggi portsins sem byggingin
stendur við.
Áhersla var lögð á að uppruna-
legum byggingastíl hússins yrði
viðhaldið, en að öðru leyti hefur allt
innandyra verið endurgert. Þarfir
nútímagesta voru hafðir í fyrirrúmi,
með aðgang að þægilegu umhverfi,
vinnuaðstöðu, fundaaðstöðu,
afslöppun, félagsskap og einrúmi
auk þjónustu. Allar mögulegar
þarfir voru greindar og hafðar að
leiðarljósi við hönnun hótelsins niður
í smæstu atriði svo sem efnið í
lögnunum með tilliti til hljóð-
mengunar.
Hótelið hefur verið valið í hóp
alþjóðlegra hótela sem uppfylla
ákveðin lífstílsskilyrði.
Design Hotels inc. www.designho-
tels.com, sem heldur utan um
markaðssetningu alþjóðlegs
markaðs- og bókunarkerfis sam-
ræmds af Lebensart Global
Networks AG www.cms.lebensart-
ag.com, með útgáfu prent- og
vefmiðla, hafa eftirfarandi yfirlýsingu
um tilgang þjónustunnar á vefsíðum
sínum:
„Fleiri og fleiri aðilar sem reka hótel
eru að gera sér grein fyrir fagurfræði
sem hefur sáraítið með flutt grenitré
og fallega brotnar servíettur að gera.
Góð byggingarlist og hönnun er
orðin mjög mikilvæg í að staðsetja
hótelin á markaðnum og í að skil-
greina aðdráttarafl þeirra. Sérhvert
hótel sem er kynnt hefur ákveðin
sérkenni. Auk framúrskarandi bygg-
ingarlistar og innanhússhönnunar,
sem er aðlöguð aðliggjandi um-
hverfi og menningu, skera þessi
hótel sig úr vegna frábærrar
þjónustu ásamt mjög góðri og
skapandi matargerðarlist.” ■
Ljósmyndir, Sóla.
18