Iðjuþjálfinn - 2022, Blaðsíða 12

1. tölublað 202212
Enginn dagur eins og mikið frelsi
Kristín segir eitt það skemmtilega við starfið vera að enginn
dagur er eins. „Vissulega eru fastir fundir og föst verkefni
sem við erum að vinna að. Teymið hjá Köru er algjörlega
frábært og það er unun að mæta í vinnuna á hverjum degi.
Ég vakna með fiðrildi í maganum af spenningi og það er ekki
sjálfgefið. Saman erum við að byggja upp nýja og framsækna
velferðarþjónustu í samvinnu við stofnanir og fyrirtæki bæði í
einka- og opinbera geiranum. Ég sit á skrifstofunni minni hér
á eyjunni Mön sem staðsett er í gamla ráðhúsinu í litla þorp-
inu okkar Stege, skrifstofan mín er í raun gamall fangaklefi en
ég upplifi eingöngu frelsi. Ég er í samskiptum við skrifstofuna
og starfsfólkið á Íslandi, sem og að við erum þessa dagana að
fara að ráða inn og opna vinnustöð í Dublin. Vegna vinnunnar
ferðast ég töluvert og hitti mjög marga sem allir deila því með
okkur að vilja bæta aðgengi að stuðningi og hjálp. Ég er í miklu
sambandi við viðskiptavini okkar aðallega á Írlandi og lítillega í
Bretlandi og svo erum við einnig með stór verkefni á Íslandi þar
sem ég kem lítillega að,“ lýsir hún.
Aðspurð að lokum um hvernig Kristín sjái framtíðina fyrir sér
er hún bjartsýn. „Eðli málsins samkvæmt held ég að ég verði
áfram starfandi sem ráðgjafi við hin ýmsu verkefni er lúta
að nýsköpun í heilbrigðis- og velferðarþjónustu og er starfs-
mannaheilsa mér sérlega hugleikin. Það munu án efa koma
fram nýjar tæknilausnir sem við eigum að líta á sem stuðning
við starf okkar, ekki samkeppni,“ segir hún að lokum.
Myndir af heimsráðstefnu í París