Iðjuþjálfinn - 2022, Qupperneq 24

Iðjuþjálfinn I Fagblað iðjuþjálfa24
Niclas Forsling, sést mynd í mynd.
Sjálfbær þjónusta,
sjálfstæðir notendur
Málþing Veltek: Samþætting heilbrigðis- og velferðarþjónustu
Heilbrigðisþjónusta í dreifðum byggðum er áskorun. Til
að mæta henni stofnuðu Heilbrigðisstofnun Norðurlands
(HSN), Heilsuvernd hjúkrunarheimili, Samtök sveitar-
félaga og atvinnu þróunar á Norðurlandi eystra, Sjúkra-
húsið á Akureyri (SAk) og Háskólinn á Akureyri (HA)
samstarfsklasann Veltek, og héldu málþing um starfið
og ýmsar nýjungar í heilbrigðis- og velferðarþjónustu á
Akureyri þann 24. júní 2022. Erna Sigmundsdóttir fulltrúi
ritnefndar kynnti sér málþingið fyrir hönd ritnefndar.
Yfirmarkmið samstarfsins er að stuðla að heilbrigði, velferð og
vellíðan. Veltek vill styðja við að nýjasta tækni verði í auknum
mæli notuð til að tryggja heilbrigðisþjónustu óháð búsetu.
Mikilvægur stuðningur býðst fagfólki svo það geti betur sinnt
sínum störfum og veitt betri þjónustu. Í boði er tengslanet með
aðild að klasanum, innan svæðis sem utan og erlendis frá. Vel-
tek tengist sömuleiðis dönskum klasa, Kernet.
Hlutverk klasans er að miðla þekkingu og reynslu innan sem
utan hans, kanna tækifæri til samvinnu og samstarfs á norður-
slóðum og stuðla að fræðslu um nýsköpun í heilbrigðis- og
velferðarþjónustu. Efla á tengslanetið og skapa tækifæri fyrir
aðila klasans til að tengjast fagaðilum utan hans og nýjum
notendum. Staðið verður fyrir fræðslufundum og viðburðum
fyrir aðila innan og utan klasa og upplýsingum einnig miðlað
um viðburði sem samstarfsaðilar standa að, sjá nánar á veltek.is
Miklir möguleikar í stafrænni heilbrigðisþjónustu
Þingið var opnað af Perlu Björk Egilsdóttur, verkefnastjóra
Veltek og síðan sett með ávarpi heilbrigðisráðherra, Willums
Þórs Þórssonar. Hann brýndi fyrir gestum að nota þyrfti nýja
hugsun og nýjar leiðir til að takast á við áskoranir samfélagsins
og til að tryggja jafnt aðgengi að heilbrigðisþjónustu. Hann
hvatti fólk til að vera opið og stöðugt í leit að nýjum lausnum.
Sett var fram stefna árið 2021 fyrir Ísland hvað varðar stafræn
málefni heilbrigðisþjónustunnar og lagður grunnur að
framtíðaráætlunum.
Næst fjallaði Niclas Forsling um stafræn umskipti og sam-
þættingu félags- og heilbrigðisþjónustu á strjálbýlum svæðum.
Hann vinnur fyrir Center for Rural Medicine í Norður-Svíþjóð
sem sinnir litlu svæði en er jafnframt nyrsta svæði heilsugæsl-
unnar. Þar fá um 250.000 manns þjónustu en auk þess hefur
stofnunin umsjón með mun stærra svæði þar sem fáir búa og
áskorun að komast um. Aðalverkefnið er að koma heilbrigðis-
og félagsþjónustu til dreifbýlustu svæðanna. Hann sagði frá
heimasíðu verkefnisins, healthcareatdistance.com, en þar er
að finna bæklinga og kynningarefni ásamt leiðbeiningum,
meira að segja á íslensku. Ljóst er að flest Norðurlöndin kljást
við afskekktar byggðir og auðsýnt að nýta má stafræna þjón-
ustu við t.d. innlit á næturnar.
Þá er komið rafrænt eftirlit á sameiginlegri stöð sem fylgist
með mörgum skjólstæðingum í einu, eftir þeirra óskum.
Viðburður: