Iðjuþjálfinn - 2022, Síða 29

1. tölublað 202229
við búið til alls konar námsefni fyrir leikskólann sem bæði
teymið og deildirnar nota í sinni daglegu vinnu. Að fylgjast
með framförum og þroska barnanna er það sem hefur gefið
mér hvað mest í vinnunni. Foreldrasamstarfið er stór hluti af
teymisvinnunni og að finna fyrir því að foreldrar treysti okkur
fyrir barninu sínu á hverjum degi er ómetanlegt. Stundum er
vinnan svo náin að við erum orðin hluti af fjölskyldunni og
okkur finnst við eiga smá í barninu.
Þverfagleg samvinna er
gríðarlega mikilvæg í teym-
isstarfinu og kemur sér vel
að hafa mismunandi náms-
bakgrunn og þekkingu. Þá er
margs konar endurmenntun
í boði fyrir leikskólastarfs-
fólk og hef ég t.d. farið á
réttindanámskeið í TEACCH
kennsluaðferðinni, Íslenska
málhljóðamælinum, Íslenska
þroskalistanum, PECS, TRAS
og CAT-kassanum. Þá eru
námskeið í boði þar sem hægt
er að dýpka þekkingu sína á
því námsefni og stefnu sem
skólinn notar í starfi sínu, t.d.
Lubbi finnur málbein, Leikur að
læra og SMT-skólafærni.
Að fá tækifæri og traust til
þess að byggja upp starf
iðjuþjálfa á Lundarseli er
ómetanleg reynsla sem mun
fylgja mér alla tíð og stjórnendum leikskólans færi ég bestu
þakkir fyrir þetta traust. Þá vil ég hvetja iðjuþjálfa, nýja sem
gamla, að sækja um starf á leikskólum því okkar reynsla,
menntun og þekking getur svo sannarlega nýst á þessum
starfsvettvangi.
Undanfarin ár hefur sérkennsluteymið málað útisvæði leikskólans og er það nýtt mikið á sumrin í
útikennslu. Þar er unnið með bókstafi, tölustafi og hreyfingu.
Leikur að læra stund. Telja
dýr og setja á rétta tölu.
Einstaklingsvinnustund. Hér er unnið með skynjun og tölur þar
sem barnið veiðir frauðtölustafi upp úr hrísgrjónum og setur á
réttan stað.
Myndrænt skipulag í fata-
herbergi. Barnið sér hvernig
veðrið er úti og hvaða föt
það á að fara í, í réttri röð.