FLE blaðið - 01.01.2020, Qupperneq 5

5FLE BLAÐIÐ JANÚAR 2020
Hvar hefur þú búið?
Ég bjó á Ísafirði þegar ég var smábarn, á Skagaströnd, í
Reykjavík og eitt ár í Bordeaux í Frakklandi. Frakkland var mjög
ljúft, þar lærði ég ýmislegt um kosti og galla þess að búa á
Íslandi. Ég tel það gott að búa á Íslandi þrátt fyrir veðrið, en þó
er hraðinn of mikill. Bordeaux er stærri borg en Reykjavík en
þar gengur margt hægar en á Íslandi. Takturinn er rólegur, ekki
þessi asi eins og er á Íslandi, þar spjallar til dæmis ókunnugt
fólk saman í röðinni í búðinni. Ég held að Frakkar séu kannski
flinkari en við Íslendingar í að lifa í núinu. En samt er afar
margt gott við að búa á Íslandi, en manni hættir til að sjá frekar
gallana en kostina í amstri dagsins.
Eiginmaður og börn?
Eiginmaður minn er Gunnar Þór Gunnarsson, hann rekur
Aurora Seafood ehf. sem er útgerð og vinnsla. Við eigum tvær
dætur, Tinnu Björk sem er lögmaður og Kötlu Björk sem er
eins og stendur að læra frönsku í Lyon í Frakklandi.
Hvað gerir þú utan vinnunnar?
Ég geri þetta hefðbundna, ver tíma með fjölskyldu og vinum,
elda góðan mat, finnst gott að lesa og vera í rólegheitunum.
Og svo eru ferðalög í miklu uppáhaldi.
ENDURSKOÐANDINN BRYNDÍS
Bryndís útskrifaðist sem löggiltur endurskoðandi árið
2011, af hverju fórstu í löggildinguna?
Ég vildi öðlast þessi réttindi eftir að hafa unnið í faginu í
fjöldamörg ár. Þetta var mikilvægt fyrir mig en það hangir
margt fleira á spýtunni. Löggildingin er viðurkenning á
yfirgripsmikilli þekkingu á reikningsskilum, skattalögum og
félagaréttartengdum lögum og svo auðvitað endurskoðun. Ég
held að löggildingin opni dyr og auki starfsmöguleika fólks,
bæði innan og utan fagsins.
Hvað er skemmtilegast við endurskoðunina?
Fjölbreytnin, að fá tækifæri til að kynnast margbreytilegum
fyrirtækjum og rekstri þeirra. Einnig finnst mér starfið fela í
sér stanslausan lærdóm og það tryggir að maður festist ekki í
sama farinu. Ekki síður finnst mér skemmtilegt að starfa með
fólki þar sem hægt er að ræða og velta fyrir sér faglegum
málefnum á jafningjagrunni. Þegar ég var yngri þá langaði
mig einmitt að vinna einhvers staðar þar sem ynni fleira fólk
með sömu þekkingu og ég, þar sem fólk ynni saman að
lausn verkefna og því að leita leiða til að þróa hlutina áfram.
Á þeim tíma hafði ég ekki mótaðar skoðanir á hvað það gæti
mögulega verið, en fann það þegar ég byrjaði hjá PwC að það
var vettvangur sem hentað mér og mér líkaði andrúmsloftið.
En hvað er svo leiðinlegast við endurskoðunina?
Ég held að það sé tímapressan, sem getur stundum verið ansi
mikil og álagið sem því fylgir.
FORMAÐURINN BRYNDÍS
Áhrif nýrra laga um endurskoðendur á félagið?
Eitt af þeim atriðum sem breyttust með nýjum lögum um
endurskoðendur var afnám skylduaðildar að FLE. Ég held að
brottfall skylduaðildarinnar komi til með að breyta félaginu
að einhverju leyti, en að ekki sé augljóst að það gerist strax á
upphafsmánuðum ársins 2020. Stjórn félagsins hefur verið að
undirbúa þessar breytingar og meðal annars hefur vinnuhópur
verið að störfum sem tók saman hvað félagið hefur verið að
gera og kom með hugmyndir að því hver væru skynsamleg
næstu skref.
Ég tel ekki líklegt að veruleg breyting verði á helstu verkefnum
eða starfsemi félagsins frá því sem nú er. En þó verður
skerpt á hlutverki félagsins sem hagsmunafélags, aðalmálið
er að þjónusta félagsins þróist í takt við hagsmuni og þarfir
Hlustað af athygli.