FLE blaðið - 01.01.2020, Qupperneq 22

22 FLE BLAÐIÐ JANÚAR 2020
ÞAÐ HELSTA Í STARFSEMI FLE
Sigurður B. Arnþórsson er framkvæmdastjóri FLE
Það er ljóst að miklar breytingar hafa orðið á
starfsumhverfi endurskoðenda síðastliðinn áratug
og jafnvel enn meiri framundan
VIÐBURÐIR
Félagið stóð fyrir samtals 18 viðburðum á starfsárinu sem gáfu
46 endurmenntunareiningar. Árið á undan stóð félagið fyrir 19
atriðum sem gáfu 49 einingar. Heildarmætingin á liðnu starfsári
var um 1170 samanborið við tæplega 1200 árið áður og má því
segja að starfsárin séu nánast sambærileg. Til fróðleiks kemur
hér nánari greining yfir helstu atburði á liðnu starfsári.
Haldin voru fjögur morgunkorn á vettvangi félagsins. Þar var þó
nokkur fjölgun á mætingu, eða um 23%. Þau korn sem vöktu
mestan áhuga voru umfjöllun Stefáns Svavarssonar um
meðferð hlutafjár og eigin bréfa í reikningsskilum sem og
morgunkorn þar sem nýlega skipað Reikningsskilaráð fjallaði
um þau mál sem það hefur verið með til umfjöllunar.
Félagið stóð að venju fyrir fjórum ráðstefnum og var
heildarmætingin um 570 samanborið við 630 gesti árið áður.
Það sem var þó óvenjulegt við ráðstefnuhald á liðnu starfsári
var að í september 2018 var haldið til Brussel og féllu því bæði
niður árlegur Reikningsskiladagur sem og námskeið daginn
áður.
Mörg fræðandi og áhugaverð erindi voru flutt á þessum
ráðstefnum sem verða ekki tíunduð hér en þó má sérstaklega
nefna erindi frá Endurskoðendadeginum, stuttmynd og
framsögu Martin Manuzi frá breska endurskoðendasambandinu
sem fjallaði um siðferðileg álitaefni og heilindi í störfum
endurskoðenda. Vakti myndbandið verðskuldaða athygli og
mátti sjá á salnum að ýmsir höfðu upplifað sig í sambærilegum
sporum.
Eitthvað skemmtilegt í gangi.