Þingtíðindi Alþýðusambands Íslands ... - 23.11.1952, Qupperneq 71

1. Að atvinnuleysi og lítil kaupgeta verkalýðsins er
sameiginlegt böl beggja þessara stétta, er skapar
markaðskreppu fyrir landbúnaðarafurðir sem veldur
alhliða samdrætti í framkvæmdum til sveita og þar
með verri og versnandi afkomu bænda sem verka-
fólks.
2. Að dýrtíðin og lánsfjárkreppan er einnig sameigin-
legur bölvaldur þessara stétta og að þau þjóðfélags-
öfl sem vilja stuðla að og vernda ríkjandi ástand í
þessum málum vinna þessvegna gegn hagsmunum
þeirra og allri afkomu.
3. Að þessar stéttar báðar þurfa að gera ákveðnar
kröfur til Alþingis og ríkisstjórnar um að ráða þegar
bót á ríkjandi atvinnuleysi, með því m. a. að leysa
fjármagnið úr þeim viðjum, sem það nú er í (s. m.
b. lánsfjártregðan) og koma í veg fyrir að erlendur
varningur troði skóinn niður af innlendum iðnaði í
trássi við hagsmuni þjóðarinnar eins og nú á sér
stað.
Tillagan flutt af Gunnari Stefánssyni og Árna Jóns-
syni.
Um vinnuréttindi.
23. þing A. S. í. beinir þeirri áskorun til Alþýðusam-
bandsstjórnar að hún beiti sér fyrir því, að brúað
verði það bil, sem oft verður vart milli verkalýðsfélaga
í sveitum annars vegar og verkalýðsfélaga í kaupstöð-
um hins vegar, hvað snertir vinnuréttindi.
Tillagan er flutt af Gunnari Stefánssyni og Árna
Jónssyni.
69