Ský - 01.04.2003, Side 26

Skynörvandi ...
VODAFONE ROKKARARNIR nvmnMb n. 0««*
Warhols sló í gegn með laginu Bohemian Like You - svölum Stones-legum rokkslagara sem hefur
mátt heyra í l/oc/afone-auglýsingum. Edward Weinman spjallaði við söngvarann Courtney Taylor.
„Fallegt fólk, svala liðiö, klæðskiptingar og furðufuglar velkomnir."
Svona auglýsti hljómsveitin The Dandy Warhols eftir fólki í mynd-
band viö nýjasta lagið sitt. En hvaða band er þetta eiginlega? Ég
hitti þann snoppufríða söngvara The Dandy Warhols, Courtney
Taylor, t fyrsta sinn í byrjun níunda áratugarins á ólíklegasta stað:
líkamsræktarstöð í Portland, Oregon. „Ég vil nefnilega líta út eins
og rokkstjarna,” sagði hann og æfði af krafti til að ná þessu granna,
harða lúkki í anda Iggys Pop og Micks Jagger. ímyndin er greinile-
ga allt. Taylor bauð mér því næst að koma á tónleika á subbulegum
næturklúbb í bænum sem áætlaðir voru klukkan tvö um nóttina.
Spólum svo aöeins áfram. Tíu árum og fjórum plötum síðar eru The
Dandy Warhols orðnir rosafrægir. Eða næstum því. Fyrsta platan,
Dandy’s Rule OK, olli töluverðum hræringum í neðanjaröargeiranum
og reddaði þeim plötusamningi hjá Capitol Records, en hlutirnir fóru
virkilega að rúlla þegar lagið Bohemian Like You af plötunni Thirteen
Tales of Urban Bohemia fangaði athygli breskra auglýsingagúrúa
fyrir Vodafone-símafyrirtækið. Þessi grípandi lagasmíð er nú þekkt
sem Vodafone-lagið og skaut The Dandy Warhols þar með upp á
stjörnuhimininn. Nú hlustar öll Evrópa á þá.
Tónlistina er strembið að skilgreina. Henni hefur verið lýst sem
skynörvandi pönktónlist undir áhrifum frá Velvet Underground, sin-
fónískt gamaldags popp, og nútímalegt lo-fi, hvað sem það nú þýðir.
„Hvers konar fólk hlustar á The Dandy Warhols?’ spyr ég Courtney
Taylor, þegar ég hitti hann í annað sinn á frekar niðurníddu sport-
kaffi í Portland, heimabæ okkar beggja.
„Það er alveg viss tegund. Ekki lið sem sóar peningum í merkja-
fatnað. Okkar áhangendur eru skynsamari en það,“ segir Taylor
hálfkæringslega. „Það á við um alla sem ég hitti eftir tónleika að
þeir eru skemmtilegt og einlægt fólk sem hefur raunverulegan
áhuga á tónlist en verður ekki skrýtið og þráhyggjufulIt.” Taylor er
ekkert of hrifinn af Vodafone-auglýsingunni, sem sýnir miðaldra
„aula", eins og hann kallar þá, blaðra í farsímana. „Við höfum
kannski fengið aðeins of mikla athygli undanfarið; kominn tími til
þess að hægja aðeins á.” fmynd er mikilvæg fyrir hljómsveitina en
skiptir ekki öllu. „Tónlist verður að vera falleg upplifun. Alveg sama
þó þetta sé hrátt, þungt rokk. Hún verður að vera einhvers konar
yfirlýsing. Svo að fólk geti hugsað: „Hey - þetta er ég. Svona Iföur
mér. Ummm, en fallegt." Edward Weinman er blaðamaður lceland Review