Skinfaxi - 01.02.2022, Síða 16
16 S K I N FA X I
á að koma Unglingalandsmóti UMFÍ á laggirnar og sat m.a. í fyrstu
unglingalandsmótsnefndinni á Dalvík 1992 fyrir hönd stjórnar UMFÍ.
Byggðu sundlaug á Skútustöðum
Kristján var spurður nánar hver hefðu verið helstu viðfangsefnin á þeim
tíma sem hann gegndi formennsku í Umf. Mývetningi og svo HSÞ?
„Á þeim tíma vorum við mikið að berjast fyrir því að fá sundlaug í
sveitina. Það gekk erfiðlega, ekkert fjármagn og það endaði með því
að ungmennafélagið byggði bara sundlaug sjálft. Það var gríðarlegt
verkefni fyrir okkur. Laugin, sem var útisundlaug, var byggð við hliðina
á íþróttavellinum á Skútustöðum. Það tókst ágætlega en hún var kynt
með rafmagni. Það var ekkert annað í boði.
Á sama tíma sá ungmennafélagið alveg um félagsheimilið í Skjól-
brekku og átti það raunverulega. Við vorum með stækkanir í gangi þá.
Síðan var náttúrulega aðalmálið bara að halda utan um glímuna og
fótboltann. Á þessum tíma voru að koma upp þarna ungir strákar og
stelpur í íþróttum, þannig að íþróttastarfið var býsna líflegt á þessum
tíma. Þarna byrjuðu stelpur í glímu, en við vorum í forystu með það og
tókum það inn. Svo fóru að koma þarna fram sundmenn meira að
segja í þessari litlu laug.“
Stofnuðu Mývatnsmaraþon
Eitt af því sem Kristján og félagar hans í Mývatnssveit gerðu var að
stofna Mývatnsmaraþon, en það var ungmennafélagið sem stóð fyrir
því. „Það byggist á því að hringurinn í kringum vatnið er 36 kílómetrar
og það þurfti ekki mikið að bæta við til að geta hlaupið maraþon. Við
notuðum þetta líka til að berjast fyrir því að fá malbikaðan hring í kring-
um vatnið. Síðan hefur þetta lifað. Það er enn verið að hlaupa maraþon í
Mývatnssveitinni,“ segir Kristján.
Öflugt frjálsíþróttafólk
Kristján getur þess að á vettvangi HSÞ hafi líka alltaf verið haldin mjög
öflug héraðsmót á Laugum. Síðan kom uppbygging á þeim velli, þ.e.
á Laugum, og Þingeyingar fengu á hann góðar hlaupabrautir í kring-
um 1990.
„Héraðssambandið var með býsna öflugt frjálsíþróttafólk á áttunda
áratugnum. Þarna voru fjórar mjög öflugar hlaupakonur og ágætir karl-
ar líka. Þetta var mjög öflug hreyfing á þessum tíma. Svo hafa alltaf
verið að detta þarna inn góðir frjálsíþróttamenn.“
Hann nefnir einnig að innan íþróttafélaganna hafi oft verið togstreita
sem þurfti að vinna úr. „Húsavík er sem dæmi sterkt félag og átti ekki
alltaf samleið með héraðssambandinu. Þá þurfti oft að liðka fyrir mál-
um. Þetta er kannski ekki ósvipað og hefur stundum verið á milli Umf.
Selfoss og HSK.“
Barátta fyrir áframhaldandi skólahaldi á Laugum
Kristján nefnir að Héraðssamband Þingeyinga hafi á sínum tíma komið
Framhaldsskólann á Laugum á laggirnar og alltaf fylgt honum eftir.
„Þegar ég kom fyrst að þeim málum var verið að berjast fyrir því að
breyta honum í framhaldsskóla. Þá var eldra fyrirkomulagið, héraðs-
skólarnir, að deyja út. Heimastöðvar héraðssambandsins voru í skólan-
um á Laugum. Við fengum ævinlega húsnæði hjá þeim. Í heimavistar-
byggingunum var rými sem við fengum og svo þegar nýtt íþróttahús
kom fengum við líka rými þar. Þetta var mikil barátta og héraðssam-
bandið treysti böndin heima fyrir og var eiginlega bakhjarl þess að
geta haldið skólanum áfram og komið honum fram á við. Það voru fyrr-
verandi og starfandi félagar innan héraðssambandsins sem börðust
harðast fyrir því að halda skólanum. Ég var svo settur af ríkinu sem
formaður skólanefndar frá fyrsta ári og var í tíu ár. Ég held að það hafi
verið fyrir hina þrautseigu heimavinnu að það tókst að halda honum
lifandi. Þetta var ekki auðveld barátta.“
Húsnæðismálin voru umdeild
Kristján kom inn í stjórn UMFÍ árið 1987 og var þar samfellt í 14 ár, eða
til 2001. Hvað er honum minnisstæðast frá þeim tíma?
„Það sem ég kom mest inn á var húsnæðismálin. Þá voru menn að
fjárfesta í húsum. Þá var svolítil togstreita innan hreyfingarinnar um
hvort UMFÍ ætti að vera að eiga svona hús með gistingu. Við keyptum
húsnæði í Fellsmúlanum sem var mjög stórt og gott með gistingu en
var mjög umdeilt. Þá var ég orðinn gjaldkeri og menn voru alltaf að
tala um peninga. Þetta þróaðist lengi en þegar ég var farinn að huga
að því að hætta sagði ég einhvern tíma á þingi að þeir gætu losnað
við mig þegar ég væri búinn að greiða upp síðustu skuldina og ég
stóð við það. Á þessum tíma var líka mikil umræða um Skinfaxa og að
Kristján eftir sigur í glímu á Lands-
mótinu á Sauðárkróki 1971.
Feðgarnir Ólafur Helgi og Kristján Elvar eftir að hafa hlaupið Lýðveldishlaup UMFÍ í 99. skipti árið 1994. Kristján á þingi UMFÍ 1985.