Bókatíðindi - 01.12.2009, Qupperneq 3

Kæru bókaunnendur
Það var stormasöm saga tuttugustu aldar sem gerði
bækur að einni vinsælustu og lífseigustu jólagjöf
Islendinga. Þegar seinni heimsstyrjöldin skall á fóru
viðskipti við Evrópulönd úr skorðum en vinnan fyrir
herlið Breta og Bandaríkjamanna færði íslendingum
hins vegar stóraukið ráðstöfunarfé. Kaupgetan jókst
en vörurnar vantaði. Ein af fáum undantekningum
voru bækur sem voru prentaðar sem aldrei fyrr í
íslandssögunni. Á árinu 1943 fór fjöldi útgefinna titla í
fyrsta sinn yfir 600 á ári og þessi mikli fjöldi hélst stöð-
ugur næstu árin, allt þar til aflabrestur eftirstríðsáranna
batt enda á þensluna svo sami fjöldi titla var ekki gef-
inn út aftur á íslandi fyrr en um tuttugu árum síðar.
Eftir sat að bækur voru ein vinsælasta jólagjöf íslend-
inga og eftirspurninni var vendilega fylgt eftir af höfund-
um, útgefendum, prenturum og bóksölum. Þegar flett
er í dagbókarbrotum Guðmundar Daníelssonar rit-
höfundar frá þessum tíma, Dagbók úr Húsinu (1982),
sést að bókaútgáfan var þrátt fyrir ýmsar sérviskur
í grundvallaratriðum ekkert frábrugðin því sem nú
tíðkast. í bókaútgáfunni gengu ástríða fyrir skáldskap
og fræðum í bandalag við viðskiptalífið, til hagsbóta
fyrir andlegt líf og skapandi stéttir. Ástæðan fyrir því
að bók um jól vekur alltaf svo góðar kenndir er að við
vitum að þetta er hefð. Jólabókalestur er eitthvað sem
pabbi og mamma gerðu, sem afi og amma gerðu líka
og Iíka langafi og langamma. Það er órofinn þráður í
lestrarnautninni í okkar annars hefðarrýra landi.
Festan og djúpar rætur í vitundarlífi þjóðarinnar er
líka það sem veldur því að íslensk bókaútgáfa heldur
sínu striki þrátt fyrir fjármálahrunið. Bókatíðindi ársins
í ár eru í blaðsíðum talið af sömu stærð og árið 2008
og miklu stærri en Bókatíðindi voru fyrir aðeins fimm
árum. Skráðir titlar í Bókatíðindum eru rétt 700 sem
er með því mesta sem nokkru sinni hefur verið skráð
af bókum til leiks á jólamarkaðinn. Athygli vekur að
fjöldi útgefenda eykst nú nokkuð miðað við undanfarin
ár sem bendir líka til þess að fjölmargir sjái tækifæri í
bókaútgáfu þegar önnur hlið efnahagslífsins lokast.
Þrátt fyrir hið margumtalaða ástand í þjóðfélaginu horf-
um við framá eitt líflegasta útgáfuár í sögu íslenskrar
bókaútgáfu. Það er Ijóst að bókaútgefendur gamlir og
nýir hafa mikla trú á íslenskum lesendum. Þeir vita
sem er að þeir sækjast eftir því sem blívur. Og það
sem blívur er bókin.
íslenskar barna- og unglingabækur...2
Þýddar barna- og unglingabækur.....26
íslensk skáldverk..................54
Þýdd skáldverk.....................88
Ljóö............................. 120
Fræði og bækur almenns efnis..... 132
Saga, ættfræði og héraðslýsingar. 186
Ævisögur og endurminningar....... 194
Handbækur.........................214
IHöfundaskrá..........................238
Útgefendur........................246
Bóksalar..........................250
Titlaskrá.........................252
m
BÓKATÍÐINDI 2009
Útgefandi: Félag íslenskra bókaútgefenda
Barónsstíg 5
101 Reykjavík
Sími: 511 8020
Netf.: baekur@simnet.is
FÉLAG’ ÍSLENSKRA . , r . . . r ■
bókaútgefenda Vetur: www.Dokautgata.is
Hönnun kápu: JÓNSSON & LE'MACKS
Ábm.: Benedikt Kristjánsson
Upplag: 125.000
Umbrot, prentun
og bókband: Prentsmiðjan Oddi ehf.
Dreifing: Islandspóstur hf.
ISSN 1028-6748
Þetta tákn merkir hljóðbók.
Tímalengd er uppgeíin í mínútum.
Leiðbeinandi verð
„Leiðb.verð" í Bókatíðindum 2009 er áætlað
útsöluverð í smásölu með virðisaukaskatti.
Kristján B. Jónasson, formaður
Félags íslenskra bókaútgefenda
1