Gátt - 2016, Blaðsíða 5
Aldrei of seint að byrja. Réttindi styrkja
Raunfærnimatið er alger snilld og það ættu
Námskeiðið var frábær upplifun og
Samtal við námsráðgjafa breytti
góð leið til að komast út og hitta fólk.
Kennsluaðferðirnar eru „alveg frábærar“ með að mæta fólki
þar sem það er statt og mæta þeim sem eru les-, eða talnablindir og eiga
Námskeiðið hefur styrkt mig persónulega í
vondar minningar úr skóla.
leik og starfi. Námskeiðið gjörbreytti mér og mínu lífi, það gaf mér mikið
sjálfsöryggi. Sjálfsstyrking og samskipti er stór þáttur í náminu og mjög
mikilvægur.
5
F R Æ Ð S L U M I Ð S T Ö Ð A T V I N N U L Í F S I N S
G Á T T – Á R S R I T – 2 0 1 6
Góð grunnmenntun og möguleikar launafólks til að viðhalda
og auka þekkingu sína og hæfni út starfsævina er mikilvæg
forsenda virkrar þátttöku einstaklinganna í samfélaginu og á
vinnumarkaði, öflugs atvinnulífs og samfélags velferðar.
Samtök launafólks og atvinnurekenda hafa um langt skeið
lagt mikinn og vaxandi þunga í starfi sínu á aukna menntun
í atvinnulífinu. Síðustu ár hefur sérstök áhersla verið lögð á
að skapa launafólki með litla formlega menntun möguleika
til að afla sér grunnmenntunar og fá viðurkennda margvís-
lega þekkingu og hæfni sem það hefur aflað sér. Markvisst
hefur verið unnið að uppbyggingu framhaldsfræðslunnar þar
sem Fræðslumiðstöð atvinnulífsins hefur gegnt lykilhlutverki.
Þá hefur verið byggt upp þétt net fræðslustofnana atvinnu-
lífsins og símenntunarmiðstöðva um land allt sem lyft hafa
grettistaki í menntun launafólks á undanförnum árum. Þetta
samstarf og árangur þess hefur vakið athygli langt út fyrir
landsteinana. Að baki búa sameiginlegir hagsmunir launa-
fólks og atvinnurekenda.
Til að ná markmiðinu um öfluga framhaldsfræðslu hefur
í kjarasamningum verið samið um aukin framlög í fræðslu-
sjóði og til fræðslustofnana atvinnulífsins til að fjárfesta í
menntun fólks á vinnumarkaði. Jafnframt hafa aðilar vinnu-
markaðarins knúið stjórnvöld til að leggja fram fjármuni í
sama tilgangi.
Í starfi Fræðslumiðstöðvar atvinnulífsins og fræðsluað-
ila hafa verið þróuð og reynd öflug verkfæri í framhalds-
fræðslunni. Hér er ég að vísa til náms- og starfsráðgjafar,
vottaðra námsleiða og raunfærnimatsins sem sýnt hafa ótví-
rætt gildi sitt í verki. Í því samhengi er sérstaklega ánægju-
legt að sjá hversu öflugt og skilvirkt tæki raunfærnimatið
hefur reynst. Næsta skref í þeirri vegferð er að þróa áfram
raunfærnimatið á móti viðmiðum atvinnulífsins og hrinda því
í framkvæmd.
Og verkefnin framundan eru ærin. Með bókun, sem
fylgir kjarasamningum verka- og verslunarfólks á almennum
vinnumarkaði frá maí 2015 og vinnu við útfærslu hennar,
hefur verið sett fram markmið um þróun raunfærnimats og
námsúrræða fyrir þúsundir launafólks á næstu misserum og
árum í fjölmörgum greinum atvinnulífsins. Greinum þar sem
slík úrræði eru víða ekki til staðar
í dag. Þegar hefur verið unnið að
þróunarverkefnum í dagvöruverslun
og sett hafa verið fram metnaðarfull
markmið um öflugt menntaátak í
ferðaþjónustunni og þeim fylgt eftir.
Ef vel tekst til er þannig í augsýn ein
stærsta aðgerð hér á landi í mennta-
málum fyrir atvinnulífið frá upphafi.
Það er sameiginlegt viðfangs-
efni þeirra aðila sem málið varðar,
samtaka launafólks og atvinnurek-
enda, mennta- og menningarmála-
ráðuneytisins, Fræðslumiðstöðvar
atvinnulífsins, Fræðslusjóðs, starfsmenntasjóða og fræðslu-
aðila, að móta sameiginlega framtíðarsýn, forgangsraða
verkefnum og ákveða hvernig þeim verði best fyrirkomið.
Jafnframt er ljóst að stórauka þarf framlög á fjárlögum á
næstu árum til fjárfestinga í framhaldsfræðslunni.
Liður í þeirri vinnu er að endurskoða rammann sem
settur var með lögum um framhaldsfræðslu nr. 27/2010. Á
þeim tíma sem liðinn er hefur fengist dýrmæt reynsla sem
nauðsynlegt er að draga lærdóm af. Tillögur verkefnahóps
um fullorðins- og framhaldsfræðslu frá því í maí 2015 eru
meðal annars tilraun til þess. Einn mikilvægasti lærdómurinn
er að líkt og frumkvæðið að uppbyggingu framhaldsfræðsl-
unnar var í höndum aðila vinnumarkaðarins er forsenda
áframhaldandi uppbyggingar og framþróunar að atvinnu-
lífið, samtök launafólks og atvinnurekenda, leiði starfið með
þeim réttindum og skyldum sem því fylgir. Þar liggja hags-
munirnir og þar mun öðru fremur ráðast hvernig til tekst með
framkvæmdina.
Síðast en ekki síst er rétt að halda til haga að nýlegt
samkomulag um hæfniramma fyrir menntun hér á landi
styður vel við framhaldsfræðsluna og tengingu yfir í formlega
menntakerfið. Einnig er vinnan, sem hafin er við þróun og
uppbyggingu fagháskólanáms hér á landi , mikilvægur liður
í að efla og styrkja framhaldsfræðsluna og verk- og starfs-
menntun almennt til framtíðar.
HALLDÓR GRÖNVOLD
F R A M H A L D S F R Æ Ð S L A N Á T Í M A M Ó T U M –
M I K I LV Æ G V E R K E F N I F R A M U N D A N
Halldór Grönvold