Gátt - 2016, Blaðsíða 45

Aldrei of seint að byrja. Réttindi styrkja
Raunfærnimatið er alger snilld og það ættu
Námskeiðið var frábær upplifun og
Samtal við námsráðgjafa breytti
góð leið til að komast út og hitta fólk.
Kennsluaðferðirnar eru „alveg frábærar“ með að mæta fólki
þar sem það er statt og mæta þeim sem eru les-, eða talnablindir og eiga
Námskeiðið hefur styrkt mig persónulega í
vondar minningar úr skóla.
leik og starfi. Námskeiðið gjörbreytti mér og mínu lífi, það gaf mér mikið
sjálfsöryggi. Sjálfsstyrking og samskipti er stór þáttur í náminu og mjög
mikilvægur.
45
F R Æ Ð S L U M I Ð S T Ö Ð A T V I N N U L Í F S I N S
G Á T T – Á R S R I T – 2 0 1 6
dóttir útskýrir fjölmenningarlega kennslu þannig að hún sé
hugtak um aðferðir sem geta nýst sem ákveðnar lausnir til að
takast á við vanda í fjölmenningarlegum samfélögum (Guð-
rún Pétursdóttir, 2003). Almennt séð má segja að Landnema-
skólinn II geti nýst sem þess konar lausn. Mælt er með að
kennsla fullorðinna námsmanna af erlendum uppruna sé fjöl-
breytt og í forsendum Landnemaskólans II er ætlast til þess
að kennsla sé einstaklingsmiðuð þannig að hæfileikar, færni
og áhugi hvers og eins séu höfð að leiðarljósi. Sömuleiðis er
því beint að leiðbeinendum að beita sveigjanlegum og fjöl-
breyttum kennsluháttum og aðlaga námsþætti að þörfum
námsmanna með ólíkan menningarlegan bakgrunn, reynslu-
heim og námsgetu. Niðurstaðan er sú að Landnemaskólinn II
er fjölmenningarleg námskrá og fjölmenningarlegar áherslur
koma fram í henni. Þó eru þær takmarkanir á námskránni að
í henni er ekki að finna beinar leiðbeiningar við gagnkvæma
aðlögun, engar áherslur eru í henni gegn fordómum né fjöl-
menningarleg fræðsla. Eftir á að hyggja hefði slík námsgrein
verið gagnlegur þáttur í námskránni.
4. Markmið námskrárinnar Landnemaskólans
II í framkvæmd.
Landnemaskólinn II var kenndur í tilraunaskyni hjá Símennt-
unarmiðstöðinni á vorönn 2010 og voru námsmenn alls ell-
efu frá sex löndum. Sjö námsgreinar töldust uppfylla tilgang
námsins, þ.e. að bjóða upp á hagnýtt nám til að auðvelda
innflytjendum að taka þátt í íslensku samfélagi. Kennslumat
var framkvæmt á fyrsta þrepi eftir líkani Kirkpatricks en þar
sem nemendur höfðu verið virkir þátttakendur allan tímann
og lagt sitt af mörkum var matið fremur óformlegt og í formi
svo nefnds „rýnihóps“(Kirkpatrick og Kirkpatrick, 2006) .
Verkefnastjóri skráði ummæli þátttakenda um Landnema-
skólann II og voru þau jákvæð og bentu til þess að námið
hefði verið gagnlegt. Hér má sjá nokkur dæmi um ummæli
nemenda (munnlegar heimildir, júní 2010):
• „Best var að læra um stéttarfélögin og fá að vita að ég
gat fengið styrk til að kaupa gleraugu fyrir strákinn minn.“
• „Ég kunni allt um að stofna fyrirtæki, en ég lærði orðin
og að tala um það á íslensku.“
• „Stella í orlofi var skemmtileg.“
• „Gott að læra um vegi og veður, og líka gott að vita um
bensínlykil (innskot: dælulykil).“
• „Mjög gaman!“
• „Frábært að vita núna um Halldór Laxness.“
Ég sendi fyrirspurnir til forstöðumanna fræðslumiðstöðva
um reynslu þeirra af námskránni Landnemaskólanum II. Svör
bárust frá fjórum fræðslumiðstöðvum og miðað við upp-
lýsingar frá þeim er ljóst að námsmenn þeirra voru almennt
ánægðir með framkvæmdina á námskránni.
Þrjár af þessum fræðslumiðstöðvum gerðu breytingar
á útfærslum. Námsþáttum var sleppt, annars vegar vegna
þess að nemendur höfðu fengið sambærilega fræðslu í öðru
námskeiði og hins vegar vegna þess að íslenskukunnátta var
ekki nægileg og nemendur þurftu meira á öðrum þáttum að
halda. Heimsóknum á vinnustaði var bætt við í einu tilfelli
og í öðru tilfelli var kennt meira í heilsufræði, sjálfstyrkingu,
atvinnuleit og gerð ferilskráa. Í tveimur tilvikum, báðum í
frumkvöðlafræði, var fengin aðstoð vegna tungumáls. Í öðru
tilvikinu var fengin aðstoð hjá pólskum kennara og í hinu hjá
túlki. Allir reyndu að aðlaga kennsluna eftir þörfum hópsins,
innan ramma verkefnisins. Námskeiðsmat leiddi í ljós að
nemendur voru ánægðir í heildina og gáfu námskeiðinu góða
einkunn. Einn verkefnastjórinn lét þess getið að nemendur af
erlendum uppruna tækju allri íslensku og samfélagskennslu
fegins hendi. Það bendir til þess að þörfin fyrir fræðslu fyrir
innflytjendur sé til staðar, eins og ætla mátti.
L O K A O R Ð
Tilgangur Landnemaskólans II, að bjóða upp á hagnýtt nám
til að auðvelda innflytjendum að taka þátt í íslensku sam-
félagi, hefur að mínu mati náðst en í ljós kom að talsvert
svigrúm þarf að vera til þess að hægt sé að koma til móts við
þarfir námshópa og einstaklinga. Aðstæður eru ólíkar eftir
staðsetningu fræðslumiðstöðva, atvinnulífi, samsetningu
námshópa og öðrum einstaklingsbundnum þáttum. Þegar
námskeið eru skipulögð í fullorðinsfræðslu er sjaldan hægt