Gátt - 2016, Qupperneq 58

stöðu manns á vinnumarkaði.
allir a
ð fara í það sem
hafa kost á því.
góð leið til
að komast ú
t og hitta
fólk.
Kennsluaðferðirnar eru „alveg frábærar“ með að mæta fólki
þar se
m það er sta
tt o
g mæta þeim sem eru les-, e
ða talnablindir o
g eiga
Námskeiðið hefur sty
rkt mig persónulega í
Námskeiðið gjörbreytti m
ér og mínu lífi
, það gaf m
ér m
ikið
Sjálfssty
rking og samskipti er
stór þáttur í náminu og mjög
Gott a
ð hafa stu
ðning vinnustaðarins til
að sækja námskeiðið.
Námskeiðið var fjölbreytt og skemmtilegt og það hefur veitt m
ér in
nsýn
í hvar mínir sty
rkleikar lig
gja og hvað ég þarf að gera til a
ð komast í
58
F R Æ Ð S L U M I Ð S T Ö Ð A T V I N N U L Í F S I N S
G Á T T – Á R S R I T – 2 0 1 6
U P P H A F I Ð
Upphafið á áhuga og beinlínis ástríðu greinarhöfundar fyrir
samþættingu tungumálakennslu og starfsþjálfunar má rekja
til tveggja verkefna. Annað þeirra nær allt aftur til vetursins
2000–2001 þegar undirrituð, ásamt Þorbjörgu Halldórsdóttur,
kenndi á fyrstu starfstengdu íslenskunámskeiðunum á vinnu-
stað á Íslandi. Það var á Landakoti og voru námskeiðin fyrir
almennt starfsfólk í eldhúsi, ræstingu, býtibúri og umönnun.
Kennt var á Landakoti í vinnutíma og meðal nýjunga voru
svokölluð „vinnuverkefni“ í stað heimaverkefna sem nem-
endur leystu af hendi í vinnunni. Verkefnin snérust um að
taka viðtöl við samstarfsmann á íslensku og segja frá þeim í
næsta íslenskutíma. Kennararnir tveir lögðu sig alla fram og
luku námskeiðinu með ratleik um allan spítalann sem byggði
á vísbendingum sem tengdust námsefni námskeiðanna.
Verkefnið var samvinnuverkefni Námsflokka Reykjavíkur,
menntamálaráðuneytis og öldrunarstofnana og naut styrks
frá Starfsmenntaráði félagsmálaráðuneytis. Unnin var ítarleg
þarfagreining og starfstengt námsefni var útbúið jafnhliða
námskeiðunum. Afraksturinn var efnið Íslenska. Lykill að
starfinu (höf. Sólborg Jónsdóttir og Þorbjörg Halldórsdóttir,
2002) sem var fyrsta heildstæða námsefnið í íslensku sem
öðru máli þar sem kennsluleiðbeiningar, hljóðefni og ítarefni í
formi leikja og samskiptaverkefni til að leysa á vinnustaðnum
voru hluti af efninu. Starfsmenn voru almennt vel upplýstir
um tilgang námskeiðanna og lögðu sig fram við að auðvelda
erlenda starfsfólkinu að nota íslensku í vinnunni. Reynslan af
verkefninu sýndi að jákvæðni og stuðningur á vinnustað við
íslenskunám erlendra starfsmanna er lykill að góðum árangri.
Það veganesti hefur fylgt greinarhöfundi allar götur síðan.
Hitt verkefnið sem hafði mikil áhrif á undirritaða var
Leonardo mobility verkefni er nefndist New opportunities in
a new country sem Mímir-símenntun tók þátt í frá árinu 2010
til 2012. Samstarfsaðilar voru skóli og fyrirtæki í Antwerpen
í Belgíu sem vinna náið saman (Tabora og Leerwerkplats
Garage). Með þátttöku í verkefninu og námsheimsóknum til
Belgíu fékkst dýrmæt innsýn í það hvernig hægt er að sam-
þætta fagnám og tungumálakennslu, jafnvel fyrir byrjendur í
nýja málinu. Fagnámið sem þarna var kennt var til að mynda
SÓLBORG JÓNSDÓTTIR
Í S L E N S K U K E N N S L A O G S TA R F S Þ J Á L F U N F Y R I R
AT V I N N U L E I T E N D U R A F E R L E N D U M U P P R U N A
Samþætting íslenskukennslu og starfsþjálfunar fyrir atvinnuleitendur af erlendum uppruna
hefur verið í þróun hjá Mími-símenntun undanfarin ár. Verkefnið hófst sem þróunarverkefni
fyrir lítinn hóp Pólverja árið 2012 þar sem þjálfun á vinnustað stóð yfir í eina viku. Síðan þá
hafa margir hópar atvinnuleitenda stundað íslenskunám og fengið tækifæri til starfsþjálf-
unar á fjölmörgum vinnustöðum á höfuðborgarsvæðinu. Verkefnið hefur þróast í þá veru að
60 kennslustundum í íslenskukennslu er bætt við nokkrar námsleiðir FA, fagnámið er sam-
þætt íslenskunáminu og í framhaldi af því fara nemendur í starfsþjálfun á vinnustöðum er
tengjast fagnáminu. Árið 2014 fékk Mímir styrk frá Þróunarsjóði framhaldsfræðslunnar til
að þróa íslenskunám og starfsþjálfun þar sem byggt væri á aðferðafræði Íslenskuþorpsins.
Íslenskuþorpið er kennsluverkefni á vegum Háskóla Íslands og byggir aðferða- og hug-
myndafræði verkefnisins á nýjustu rannsóknum á því hvernig tungumál lærast. Verkefnið
kallaðist Vinna með börnum og var námsleið FA, Grunnnám fyrir skólaliða, notuð til að
undirbúa þátttakendur undir störf á leikskólum. Í verkefninu var fléttað saman íslensku-
námi og fagnámi auk þess sem þátttakendur undirbjuggu samskiptaverkefni til að leysa af
hendi á leikskólunum á meðan á þjálfun stóð. Allir leikskólarnir voru undirbúnir undir mótttöku nemandans og
fengu leiðbeiningar um hvernig allir starfsmenn gætu stutt við íslenskunám hans. Auk þess fór íslenskukennarinn
í heimsóknir á leikskólana og leiðbeindi nemendum í raunverulegum aðstæðum þannig að það nýttist bæði þeim
og öðru starfsfólki.
Sólborg Jónsdóttir