Brezk-íslenzk viðskipti - 01.12.1946, Blaðsíða 12

Búðarglugga hverfí
Fegurð frá verksmiðjum Bretlands
Eftir John Smythe
SlÐASTLIÐNAR vikur hafa þúsundir
manna, sem verið hafa án ,,lúxus“
varnings langa lengi, staðið í biðröðum
til þess að geta gaegst í búðarglugga
Bretlands. Ég á auðvitað við hina
feiknarstóru iðnaðarsýningu í gamla
og drungalega „Victoria and Albert“
safninu í London. Það er einstök
tilviljun, að fyrsta iðnaðarsýningin,
sem haldin hefurverið síðan stríðinu
lauk, skuli vera í húsakynnum sem
byggð voru fyrir ágóðann af fyrstu
alheimssýningunni, - Londonarsýning-
unni 1851.
Það má segja, að „Britain Can Make
lt“, eins og sagt var í loftárásunum
1940 að „Britain Can Take lt“.
Brezka þjóðin neitar sér nú um allt,
nema brýnar nauðsynjar, til þess að
hin stórkostlega útflutnings-áaetlun
beri réttann árangur.
Skilrúm og veggir úr krossviði og
plastik, Ijóskastarar og Ijósabreytingar
hafa umturnað hinu þungbúna safn-
húsi, og breytt því í marglitt, glitrandi
umhverfi. Það er ekki séð í
kostnaðinn, því ríkisstjórnin borgar
reikninginn, sem er áætlaður£200,000,
í von um, að ágóðinn af útflutningnum
margfaldist.
* * *
I stórum dauflýstum sal vísa
Ijósörvar á nýjungar á sviði iðnaðarins,
sem fundnar voru upp á stríðsárunum,
en baksviðið sýnir London í rústum.
Takið til dæmis eftir gúmmí stólunum,
sem blásnir eru upp eins og blöðrur.
Þeir eiga rót sína að rekja til gúmmí
björgunarbátanna, sem flugmenn
notuðu þegar flugvélar þeirra voru
skotnar niður. Dásamlegir borðdúkar
eru búnir til úr „fibre glass“, sem
fyrst var notað til þess að einangra
rafleiðslur í flugvélum. Húsmæður
þyrpast kringum bakka, sem ekki er
hægt að brjóta, en fáar mun gruna,
að þær eiga efni þetta að þakka manni
sem fyrstur fann upp plastik sæti í
stríðsflugvélar. Pottar og pönnur
sem húsmæður létu af mökum til
þess að auka framleiðslu á Spitfire
orustuflugvélum, birtast nú á ný
þaktar glerungi, sem hvorki brennur
né brotnar.
Næst má skoða skála, þar sem
„framtið uppfinninga“ er til sýnis.
Brautryðjendur í iðnaði sýna þar
hluti, sem þeir álíta að vísindin munu
skapa á næstu 10 árum. Marglit Ijós
skína á fyrirmyndir af hlutum, búnum
til úr málmblöndum, gúmmíi, gleri,
plastik, pappír og krossviði.
Nú er hægt að gleyma í bili
stríðsframleiðslu, skömmtunarseðlum
og snjáðum fatnaði, og gá snöggvast
í búðagluggana í þessari undrahöll.
Hér eru hundruð af kjóla- og dragt
modellum, teiknuð af þektustu
tízkuhúsum Bretlands. Það er óþarfi
að ganga búð úr búð til þess að fá sér
hanzka eða belti, fóður eða leggingar,
clips eða annað tilheyrandi. Alt fæst
á sama stað.
* * *
Tvær vel snyrtar hendur draga
til hliðar tjöld, sem hylja dyr, en
bak við þær er uppljómuð búð sem
hefur á boðstólum hverskonar lúxus
varning, - skartgripi, mjúka „suede"
hanzka, og töfrandi handtöskur. Úrin
og gerfi-skartgripirnir, sem hér gefur
að líta, eiga fullkomnun sína að þakka
prisma glerum þeim, sem framleidd
voru í stórum stíl fyrir skriðdreka og
kafbáta á ófriðarárunum.
Hér er púðurdós úr svörtu gleri,
skreyttu gulli, en hún er búin til úr
afb ragðsgóðu m, gullfóðruðum
augnahlífum, sem varðveitti sjón
þúsunda flugmanna í stríðinu.
Stríðinu er lokið, smátt og smátt
opnast landamærin, og nú er kominn
tími til að fara að ferðast til útlanda.
Þarna er sægræn ferðataska úr
Þráskinni sem líkist pergamenti, og
er fóðruð með grænum glitvefnaði.
í töskunni má koma fyrir átta kjólum,
sem hengdir eru á plastik herðatré;
einnig eru sérstök hólf fyrir skó, og
snyrtiáhalda - poki úr grænum
glitvefnaði, og fimm skúffur, allar með
læsingu. Eða kanske er handtaska
ákjósanlegri, vind- og vatnsheld, trygg
gegn möl og raka. Efnið í þessum
handtöskum hefur verið reynt bæði
i kulda norðurheimskauts-landanna og
steikjandi sólarhita Afríku. Svo er
hér fílabeins-lit taska úr kálfsskinni,
sem er vatnsheld og lætur ekki lit.
Samskonar skinn var notað til að
klæða að innan eina af setustofunum
í risaskipinu „Queen Elizabeth“.
Þá má koma við í barnaskálanum,
þar sem á boðstólum er allt það
nýjasta og bezta af fatnaði, leikföngum
og húsgögnum handa hinni komandi
kynslóð. Jeppa bílar og bensín
dunkar, varahjól og hreyfanlegar
rúðuþurkur, kappakstursbílar og
flugvélar með fullkomnum útbúnaði.
Hér getur „Mrs. Britain 1960“
undirbúið sig undir framtíðarstörf
sín með því, að æfa sig á leikfangs-
straujárni við eldhúsborð, sem er
tvö fet á hæð, með öilum nútíma
eldhúsáhöldum.
Verksmiðjur sem áður framleiddu
sprengjuflugvélar, búa nú til ofantöld
undraleikföng.
* * *
Sýningin nær yfir meira en 90,000
fer-feta svæði, og telur yfir 7,000
mismunandi nýjungar á sviði iðnaðar.
Hlutir þessir voru valdir úr 20,000
sýnishornum af nýtísku framleiðslu-
vörum sem 58 verksmiðjur tefldu
fram, og bera þeir glögt vitni um
hugvit og gæði brezkrar vinnu.
Úndursamlegu ferða-útvarpstækin,
sem ekki eru stærri en samanlögð
myndavél, eru af sömu gerð og þau,
sem send voru meðlimum
mótstöðuhreyfinganna í herteknu
löndunum.
Uppdráttinn að sýningunni
undirbjuggu 70 þekktustu sýninga-
sérfræðingar Breta undir forustu
James Gardners, en maður þessi er
sá, sem útbjó gúmmískriðdrekana, og
gabbaði Þjóðverja með þeim í byrjun
innrásarinnar á meiginlandið.
„Britain Can Make lt“ hefur vakið
eftirtekt um víða veröld, og fólk frá
mörgum löndum streymir til London
til þess að skoða sýninguna. Til dæmis
má nefna, að kaupmaður nokkur frá
suðurhafseyjum pantaði hótel
herbergi handa sér og sex konum
sínum. Svíþjóð, Noregur og Danmörk
hafa beðið um sýnishorn af ýmsum af
vörum þeim, sem sýndar eru, en
Kanada, Ástralía og Nýjasjáland vilja
helst fá sýninguna eins og hún leggur
sig senda til sín. Sú uppástunga hefur
komið fram, að öll sýningin fari í
ferðalag til útlanda seinna.
Eins og er, vonast forráðsmenn
Bretlands eftir mjög auknum
útflutningi, en almenningur vonar,
að þau 60 o/o sem loforð hefur verið
gefið fyrir handa heimamarkaðnum,
slái til.
12