Heimili og skóli - 01.12.1959, Blaðsíða 22
134
HEIMILI OG SKÓLI
Frá aðalfuncli Kennarafélags Vestfjarða
Aðalfundur Kennarafélags Vestfjarða var
haldinn á ísafirði dagana 10. og 11. okt. sl.
Fundinn sóttu 20 kennarar. Á fundinum
mætti einnig Þórleifur Bjarnason námsstjóri,
og hafði hann í fylgd með sér tvo kennara úr
Reykjavík, er báðir fluttu erindi á fundinum.
Þessir menn voru Magnús Magnússon
kennari, sem flutti fróðlegan fyrirlestur um
kennslu vangefinna barna, og Gestur Þor-
grímsson kennari, sem ræddi um og sýndi
margvíslega notkun kvikmynda og skugga-
mynda í kennslustundum.
Síðari fundardaginn flutti Magnús erindi
fyrir almenning í Skátaheimilinu. Fjallaði er-
indið um uppeldi vangefinna og afbrigðilegra
barna svo og um ýmsar andlegar og líkamleg-
ar orsakir þess, að börn verða afbrigðileg og
vangefin.
Einn af stofnendum Kennarafélags Vest-
fjarða, Sveinn Gunnlaugsson, skólastjóri á
Flateyri, var mættur á fundinum, og hefur
hann setið alla fundi félagsins frá stofnun
þess. Sveinn lét af skólastjórastarfi sínu í
sumar fyrir aldurs sakir.
I fundarlok ávarpaði Þórleifur Bjarnason
námsstjóri Svein Gunnlaugsson, hinn síunga
og eldlega áhugamann, og flutti honum
þakkir fyrir langt og mikið starf. Fundar-
menn risu úr sætum og tóku undir með lófa-
taki. Síðan var samþykkt að gera Svein að
heiðursfélaga.
í stjórn Kennarafélags Vestfjarða voru
kosnir:
Jón H. Guðmundsson, skólastjóri á Isa-
firði, formaður.
Guðm. Ingi Kristjánsson, kennari í Onund-
arfirði, ritari.
Björn Jóhannesson, skólastjóri í Bolungar-
vík, gjaldkeri.
Fundurinn ræddi mörg mál og gerði eftir-
farandi ályktanir og samþykktir:
I.
17. aðalfundur Kennarafélags Vestfjarða,
haldinn á ísafirði dagana 10. og 11. október
1959, telur, að ein helzta ástæðan fyrir þeim
alvarlega og sívaxandi skorti á mönnum með
kennarapróf, sérstaklega við barna- og ung-
lingaskóla, sé sú, að laun þessara kennara séu
allt of lág og alls ekki i neinu samræmi við
námskostnað þeirra eða launakjör hliðstæðra
stétta í þjóðfélaginu.
Fundurinn leyfir sér því að skora mjög á-
kveðið á yfirstjórn fræðslumálanna, Alþingi
og ríkisstjórn, að vinda bráðan bug að því að
bæta launakjör barnakennara verulega frá
því, sem nú er, svo að afstýrt verði þeim að-
steðjandi vandamálum og hættum, sem kenn-
araskortinum fylgja.
Jafnframt beinir fundurinn þeirri ein-
dregnu áskorun til kennarasamtakanna og þá
alveg sérstaklega til stjórnar Sambands ís-
lenzkra barnakennara, að vinna markvisst að
bættum launakjörum stéttarinnar.
II.
Með tilvísun til þeirra miklu erfiðleika,
sem á því eru að fá menn með kennararétt-
indi til starfa við barna- og unglingaskóla
utan Reykjavíkur og næsta nágrennis, leyfir
fundurinn sér að benda yfirstjórn fræðslu-
málanna á það, hvort ekki sé tiltækilegt, auk
þess sem launakjör stéttarinnar séu bætt til
muna frá því, sem nú er, að veita nemendum
Kennaraskólans námsstyrki og hagstæð lán,
enda séu þeir, sem styrksins verða aðnjótandi,
skuldbundnir til þess að starfa um tiltekið
árabil úti á landi.
Jafnframt telur fundurinn að athuga beri,
hvort ekki sé réttlætanlegt og ástæða til, að
kennarar utan fyrrgreinds svæðis búi við hag-
stæðari launakjör.
III.
a. Aðalfundur Kennarafélags Vestfjarða
telur, að allt of lengi hafi dregizt að reisa
viðunandi húsnæði fyrir Kennaraskólann og
treystir því, að byggingu þeirri, sem nú er
hafin, verði hraðað sem mest. Jafnframt telur
fundurinn nauðsynlegt að reisa heimavist við
skólann og bendir á, að skólinn er mest sótt-
ur af fólki utan Reykjavíkur.
b. Þá telur fundurinn sjálfsagt, að Kenn-
araskólinn fái rétt til að útskrifa stúdenta,
því að sá réttur mundi auka aðsókn að skól-
anum, sem nú er allt of lítil miðað við kenn-
araþörfina.