Heimili og skóli - 01.06.1971, Side 16

Næst geymir fundargerðabókin stjórnar-
fund 7. júní 1917. Ekki verður hér skýrt
frá efni hans, þar sem þau mál koma flest
til umræðu á næsta félagsfundi.
Hann var haldinn tveim dögum síðar 9.
júní og var Lárus J. Rist fundarstjóri á þeim
fundi.
A þeim fundi var fyrsta málið: Handa-
vinnukennsla í barna- og unglingaskólum.
Framsögu í því máli hafði Halldóra Bjarna-
dóttir. Samþykkti fundurinn áskorun til
fræðslumálastjórnarinnar að koma handa-
vinnukennslu inn í barna- og unglingaskóla
landsins. En eins og kunnugt er var þetta eitt
af hennar mestu áhugamálum, enda vissi
hún hvað Norðmenn voru langt á undan
okkur í þessu efni.
Annað mál fundarins var um kennara-
námskeið. Frummælandi var Kristbjörg
Jónatansdóttir. Var í því máli einnig sam-
þykkt áskorun til fræðslumálastjórnarinnar
um að hafa kennaranámskeið utan Reykja-
víkur til skiptis í landsfjórðungunum.
Þriðja málið var um einkunnir í skólum.
Taldi fundurinn sjálfsagt að samræmi væri
í einkunnargjöf í öllum skólum landsins.
Fjórða málið var um dönskukennslu í
skólum. Frummælandi var Halldóra Bjarna-
dóttir. Fundurinn taldi ekki heppilegt að
eyða dýrmætum tíma barnaskólanna að
kenna dönsku eða önnur erlend mál.
Fimmta málið var að kjósa fulltrúa á
fund í Kennarafélagi íslands 27. júní þá
um sumarið. Kosin voru Aðalbjörg Sigurð-
ardóttir og Stefán Stefánsson, skólameist-
ari.
Sjötta málið var um fræðslumálatímarit.
Stefán Stefánsson var frummælandi og
mælti með því að komið yrði á fót tímariti,
sem fjallaði um fræðslumál landsins.
Sjöunda málið var um menntaskóla á
Norðurlandi. Stefán Stefánsson hreyfði því
máli, þó að ekki væri það á dagskrá fund-
arins. Er undraverð framsýni Stefáns í
þessu máli á þeim erfiðu tímum, sem þá
voru á landi hér. I því máli var eftirfarandi
tillaga samþykt:
„Fundurinn lýsir ánægju sinni yfir að
því hefur verið hreyft, að fullkominn
menntaskóli komist á hér norðanlands og
væntir þess, að það mál komist til fram-
kvæmda hið fyrsta.“
Mér þykir sennilegt, þó ekki hafi ég fyrir
því neina sönnun, að þetta hafi verið í
fyrsta sinni, sem þetta mál hafi verið rætt
opinberlega og Stefán upphafsmaður þess.
Ekki auðnaðist honum þó að lifa það, að
þetta mál næði fram að ganga, en 13 árum
síðar var stofnaður Menntasólinn á Akur-
eyri.
Þriðji fundur Kennarafélagsins var hald-
inn þetta sama ár, 8. des. 1917 í barnaskóla-
húsinu. A þessum fundi var Jónas Jónsson
frá Hriflu og Egill Þórláksson gekk í félag-
ið.
Þarna var skýrt frá því að dauft hafi
verið yfir fundi Kennarafélags íslands með
umbætur á fræðslumálum, m. a. að ekki
væri líklegt að hægt væri að koma á fót
tímariti um skóla- og uppeldismál kostn-
aðar vegna.
Hér hefur verið drepið á nokkur þau um-
ræðuefni, sem rædd voru á þremur fund-
um þessa félags. Það yrðu of miklar endur-
tekningar að skýra á sama hátt frá efni
hinna fundargerðanna, en alls hélt félagið
17 fundi og hætti störfum 1922. Ég kýs
heldur að drepa hér á ný mál og gefa stutt
yfirlit yfir störf félagsins í lokin, en að
þræða fundargerðir.
60
HEIMILI OG SKÓLI