Ferðir - 01.05.1988, Side 22

GUÐBRANDUR ÞORKELL GUÐBRANDSSON:
Trölli í Tröllabotnum
og umhverfi hans
Það fyrirkomulag, að starfrækja sérstakar héraðadeildir innan
Lerðafélags Islands hefur að margra mati gefist vel, og má
segja að beinar afurðir af því séu skálabyggingar þær, vega-
bætur og sérstöku ferðir sem deildirnar hafa staðið fyrir. Má
hiklaust fullyrða, að tilvera deildanna hafi virkjað margan
manninn til starfa í þágu málefnisins sem ella hefði látið kyrrt
liggja vegna fjarlægðar frá Reykjavík. Deildin á Akureyri er
að sjálfsögðu elst og merkust þessara deilda, og Húsvíkingar og
Héraðbúar hafa lengi átt öflugar deildir. Víðar um land eru
svo smærri deildir, og þar á meðal hefur félagsdeild starfað í
Skagafirði hátt í tvo áratugi, og þótt umfang hennar og afl sé
minna en þeirra, sem fyrr er getið, hefur henni þó tekist að
koma ýmsu í verk, sem sjá má stað.
Segja má, að upphaf ferðafélagsdeildarinnar í Skagafirði
megi rekja til brúargerðar á Austari-Jökulsá við Austur-Bug,
skammt þaðan sem Pollakvísl rennur í hana. Opnaði sú brú
akfæra leið úr Skagafirði á Sprengisandsveg. Haustið eftir að
brúargerðinni lauk, var deildin stofnuð af flestum þeirra, er
að smíðinni unnu, undir forystu Ingólfs Nikodemussonar.
Næsta verkefni sem deildin stóð að var bygging Ingólfsskála,
sem stendur við Lambahraum vestara, á bakka austustu
kvíslar Vestari-Jökulsár, sem í seinni tíð er kölluð Skálakvísl.
Var þetta nokkuð mikið og dýrt verkefni fyrir litla og fjárvana
deild, og tók enda nokkur ár að ljúka við bygginguna. En
menn létu ekki deigan síga, og ekki vantaði draumana hjá