Fréttir - Eyjafréttir - 05.07.2023, Síða 8

8 | | 5. júlí 2023
LV á fjölum Þjóðleikhússins
E Y J A M A Ð U R I N N
Það var mikil viðurkenning fyr-
ir starf Leikfélags Vesmanna-
eyja þegar því var boðið að
að sýna Rocky Horror á stóra
sviði Þjóðleikshússins. Verkið
hafði slegið eftirminnilega í
gegn í Eyjum en stökkið mikið
að sýna í Þjóðleikhúsinu. En
þau náðu nánast að fylla húsið
og viðtökur frábærar. Hópur-
inn er stór en Albert Snær
Tórshamar, sem sló í gegn er
Eyjamaðurinn.

Fullt nafn: Albert Snær Tórshamar.
Fjölskylda: Pabbi minn er Ósvald
Tórshamar, mamma mín er Ágústa
Salbjörg. Systkini mín eru Jóhann
Ágúst, Hildur Rán, Alexander
Páll, Ólafur Eysteinn, Sigmundur
Kristinn og Gunnlaugur Hróðmar.
Hefur þú búið annarsstaðar en í
Eyjum: Nei, ég hef búið alla mína
ævi í Vestmannaeyjum, fæddur og
uppalinn.
Mottó: Ekki láta neikvæðni
annarra hafa áhrif á drauma þína.
Síðasta hámhorfið: Lucifer sem
eru á Netflix, mæli með.
Uppáhalds hlaðvarp? Ég hlusta
ekki mikið á hlaðvarp en það sem
ég hef hlustað mest á er HÆHÆ
og Morðkastið.
Aðaláhugamál: Tónlist og leiklist.
Eitthvað sem þú gerir á hverjum
degi sem þú gætir ekki verið án:
Ég verð að segja að það sé hreyf-
ing eins og göngur og svoleiðis.
Venjulegur dagur hjá þér? Fara í
vinnu hjá Sigurjóni Ingvars. Sinni
áhugamálum mínum, fer í göngu
og eyði kvöldinu með fjölskyldu
og vinum.
Hvað óttast þú mest: Sigurjón
Ingvars... djók.
Hvaða tónlist kemur þér í gott
skap: Ég er með svo víðan tónlist-
arsmekk að ég get eignlega ekki
svarað þessu en það fyrsta sem
mér datt í hug var country, sko
gamla stuffið.
Hvað er velgengni fyrir þér: Ef
þú ert umkringdur góðu fólki og
heldur rétt á spilunum og finnur
almennt fyrir hamingju þá gengur
þér vel.
Hvenær byrjaðir þú í Leikfélagi
Vestmannaeyja? Ég byrjaði
haustið 2016, þar lék ég Sölvar
Súra í Benedikt Búálf.
Hvað hefur þú tekið þátt í mörg-
um verkum? Ég hef tekið átt í
tíu uppsetningum hjá Leikfélagi
Vestmannaeyja og nú síðast lék ég
Frank´ N Furter í Rocky Horror.
Hvað stendur upp úr í leiklistinni?
Þegar ég lék Frank núna síðast því
það var ákveðin áskorun þar sem
ég þurfti að fara verulega út fyrir
þægindarammann.
Hvernig var upplifunin að sýna
Rocky Horror í Þjóðleikhúsinu?
Þetta var stórkostleg upplifun í
alla staði. Ég er ótrúlega þakk-
látur fyrir þetta tækifæri og öllu
fólkinu sem stóð í þessu með
mér. Þau eiga öll hrós skilið og
ég er svo stoltur af því að hafa
verið formaður á þessu magnaða
tímabili. Þetta er það stærsta sem
ég hef gert hingað til og ég er svo
sannarlega ekki hættur.
Hver eru markmið þín?
Markmiðin mín eru að klára nám-
ið sem ég er í, sem er múraranám
í FÍV. Síðan komast í leikaranám
og ná framförum í tónlistinni.
Hvað tekur við í framhaldinu?
Ég ætla að halda áfram að starfa
fyrir þetta stórkostlega leikfélag
og klára námið mitt.
Eitthvað að lokum? Já ég vil
þakka öllum þeim sem hafa stutt
leikfélagið þá bæði fyrirtæki og
gestum sem koma á sýningar hjá
okkur. Þið eruð öll ómetanlegur
fjársjóður, takk fyrir mig.
A L B E R T S N Æ R T Ó R S H A M A R
Albert Snær Tórshamar í hlutverki
Frank’N Furter.
Í dag stunda rúmlega 200 nem-
endur nám við Framahaldsskólann
í Vestmannaeyjum (FÍV). Er hann
í gamla Gagnfræðaskólahúsinu en
byggt var við skólann fyrir tuttugu
árum til að bók- og starfsnámið
gæti verið í sama húsnæðinu.
Skólinn hefur ætíð brugðist hratt
og vel við tækninýjungum og
breyttum kröfum atvinnulífsins af
fagmennsku og metnaði. Mikið
ákall hefur verið um að auka iðn
og starfsnám og í dag er tæplega
helmingur nemenda sem stundar
nám á því sviði við skólann.
Skólinn býður upp á fjölbreytt
tækifæri til menntunar með vönd-
uðu og góðu námsframboði sem
tekur mið af þörfum og kröfum
nærsamfélagsins og eftirspurn
nemenda. Síðustu ár hefur verið
lögð rík áherslu á að nýta bættar
samgöngur og tækni til að tryggja
möguleika til náms óháð búsetu
og stuðla þannig að enn öflugra
þekkingarsamfélagi. Sameyki
stéttarfélag í almannaþjónustu
valdi GRV eina af stofnunum
ársins 2022. Titilinn hljóta þær
stofnanir sem þykja skara fram
úr í þeim þáttum sem könnun
Sameykis náði yfir að mati starfs-
manna þeirra.
Fjölbreytt nám
Námsframboð við skólann er
fjölbreytt og sjaldan verið eins
fjölbreytt og nú.
Í haust verður í fyrsta sinn
boðið upp á grunnnám rafiðna
í dreifnámi (lotubundið) sem er
mjög spennandi tækifæri fyrir
þá sem ekki hafa tök á að sækja
dagskólann. Einnig verður boðið
upp á nám við vélstjórn C-stigs
í fyrsta sinn. Það er ekki síður
spennandi tækifæri fyrir þá sem
lokið hafa B-stiginu og vilja bæta
við sig réttindum.
Námið er til réttinda til að
gegna stöðu yfirvélstjóra og 1.
vélstjóra á skipum með vélarafl
minna en 3000 kW (STCW III/3)
og undirvélstjóra á skipum með
ótakmarkað vélarafl (að loknum
siglingatíma). Þetta námsstig er
jafnframt nám til stúdentsprófs.
Verið er að kanna þörf og áhuga á
að fara af stað með fiskeldisnám
og skipstjórnarnám við skólann.
Bóknámið er ávallt í endurskoðun
er nú hefur stúdentsprófsbrautinni
verið skipt upp í átta svið til að
tryggja að flestir finni eitthvað við
sitt hæfi og áhugasvið.
Skólinn mikilvægur fyrir
Vestmannaeyjar
Menntun styrkir félagslega
og menningarlega þætti hvers
samfélags með því að bæta
hugmyndaflug, efla sköpun, víkka
sjóndeildarhringi og hvetja til
virkari þátttöku í samfélaginu.
Þetta er sérstaklega mikilvægt í
sjávarplássi eins og okkar þar sem
samfélagsþátttaka skiptir sköpum
fyrir velgengni samfélagsins. Að
auki getur menntun hjálpað til við
að draga úr fátækt, bæta lífsgæði
og heilsufar og stuðlað að félags-
legri aðlögun
Mikilvægt er að áfram verði
boðið upp á góða menntun með
fjölbreyttu námsframboð í Vest-
mannaeyjum því þannig sköpum
við sjálfbærara og blómlegra
samfélag, aukum lífsgæði og
tryggjum þróun og vöxt samfé-
lagsins.
Helga Kristín Kolbeins
skólameistari.
FÍV ein af stofnunum ársins 2022
Útskriftarnemar frá FÍV á vorönn 2023.