Úrval - 01.06.1963, Side 60
68
ÚR VAL
bláhvíta fánann til grnndvallar,
en bæta við þriðja litnum, setja
grennri kross rauðan ofan í
hvita krossinn (þ. e. sá fáni,
sem við höfum nú). Hin til-
lagan var að skipta á iitum, hafa
krossinn biáan á hvitum feldi
(fáni sá, er síðar varð finnski
fáninn).
Ekki geðjaðist stuðningsmönn-
um Hvítbláins að fánatillögnn-
um. Hinni síðari var algjörlega
hafnað. Hina fyrri nefndu þeir
„Glundroða“, sögðu að rauði
liturinn í fánanum væri settur
af þjónkun við Dani, að minna
á aðallit danska fánans.
Fánastríðið var heitt. Það
bætti lítt um, að konungur,
Kristján 10., úrskurðaði og valdi
Islendingum þrilita fánann í
júní 1915, enda þótt Alþingi
hefði í tillögu um málið undir-
strikað, að flestum íslendingum
væri bláhvíti fáninn kærastur.
Hitt var Islendingum öllum
fagnaðarefni, er hinn íslenzki
ríkisfáni var í fyrsta sinn haf-
inn að hún yfir frjálsri þjóS, 1.
desember 1918.
Þjóð okkar liefur lært að elska
sinn þrilita fána. Hún hefur líka
lært að skynja táknmál hans. í
litunum þrem hefur hún séð:
Eld í jörð, bláma fjalla, hvit-
fald jökla. Eða kannski það sem
miklu meira er um vert: Kær-
leikann, hreinleikann og dirfsk-
una.
Við hyllum vorn fána og þann
hamingjudag, er hann fyrst
blakti við hún yfir frjálsri þjóð.
KRABBAMEIN LÆKNAÐ.
Krabbameinsfélagið í Bandaríkjunum lét þess getið á 47. árs-
þingi sínu, að þar hefðu verið læknaðir um hálfönnur milljón
krabbameinssjúklinga. Þeir eru taldir læknaðir, ef veikin hefur
ekki gert vart við sig á fimm árum eftir aðgerðina. Ennfremur
var þar sagt, að 700.000 krabbameinssjúklingar, sem læknishjálp
hafa hlotið síðustu fimm árin, myndu fá nægilegan bata til þess
að vera taldir læknaðir.
Félagið gerir ráð fyrir að 152.000 karlmenn og 128.000 konur
muni deyja úr krabbameini í Bandaríkjunum árið 1963. Af
lungnakrabbatilfellum mætti spara 75 af hundraði, ef fólk reykti
ekki sígarettur.