Goðasteinn - 01.12.1964, Page 48

ég bið að heilsa öllum“. Engill friðarins lagði blæju yfir hýru
augun, og fallega brosið ljómaði enn á ásjónu hans, Kunningi
var dáinn. Síðasta hvíla var honum valin við hlið lítils bróður
míns í Ásólfsskálakirkjugarði. Þar er tigin fegurð og ró, sól sezt
til viðar við yztu hafsbrún, og aldan við ströndina býður okkur
góða nótt. Við systkinin og mamma gátum fylgt Kunningja að
síðustu ásamt fjölda sveitunga okkar. Nú blessa ég minninguna
um þennan fágæta mann og alla þá vini mína, er í sama garði
hvíla og hlýjast struku mér um vanga sem barni. Guð blessi þá
alla. Svo kveð ég Kunningja og minningarnar um hann. Ég veit,
að hvert sem starf hans er í æðra heimi, vinnur hann það með
sama hugarfari og hann vann foreldrum mínum: „Vertu trúr,
því að Guð sér til þín“.
Kunningi hét fullu nafni Kristján Jóhannes Sigurðsson, fæddur
9. 9. 1865 á Húsavík í S-Þingeyjarsýslu.
46
Goðasteinn