Goðasteinn - 01.12.1964, Page 75

Goðasteinn - 01.12.1964, Page 75
trogið. Þar breytti hún um stefnu, gekk upp að Borginni og hvarf mér sýnum, líkt og drengurinn áður. Ég sneri þegar til baðstofu. Sat frænka mín þar í sæti sínu. Ég spurði hana, hvort hún hefði ekki farið inn í eldhús. Hún svaraði: „Nei. Ég fór inn í stofu.“ Ég sagði þá frá konunni með trogið. Frænka mín brosti við og sagði: „Það hcfur verið móðir drengsins, sem þú sást í sumar." Mörg ár voru liðin frá þessum atburðum, og ég var byrjaður að starfa hjá Sláturfélagi Suðurlands í Reykjavík. Huldufólkið á Haugum kom sjaldan í hugann, en vöggulag konunnar ómaði þar öðru hverju, þó svo óljóst, að aldrei tókst mér, að fella það sam- an. Dag nokkurn veiktist ég snögglega á vinnustað mínum og varð viðþolslaus af kvölum. Fór ég fyrst heim, en síðan á sjúkrahús og var þegar fluttur á skurðstofuna. Það var botnlangabólga, sem tók mig svcna geyst. Undirbúningur aðgerðarinnar tók nokkurn tíma. Lá ég á skurðarborðinu og beið þess, að hafizt yrði handa. Skyndi- lega heyrði ég lag, sem ég kannaðist við, lagið úr hamraborginni á Haugum. Það var sungið lágróma með þýðri kvenrödd til hlið- ar við mig. Ég leit þangað og sá, að niðri við gólf sat hvítklædd stúlka á lágum stól eða skammeli. Við hliðina á henni var líkt og tevagn, sem á var raðað ýmiskonar lækningatækjum, að mér sýndist. Fágaði stúlkan þau, eitt af öðru, og söng við vinnuna. Ég var svæfður frá söngnum. Læknarnir komust í erfiða raun við að bjarga lífi mínu, botnlanginn var kominn að því að springa. Vissu þeir, að brugðið gat til beggja vona með bata. En batinn kom furðulega fljótt. Ég trúi því, að ósýnilegar hendur hafi cítt drjúgan þátt í, að lífið bar sigur af hólmi. Skráð cftir Sigurði Steindórssyni, verkstjóra í Reykjavík. III. Næturgestur Árið 1912 flutti ég undan Eyjafjöllum til Vestmannaeyja og réð- ist til dvalar hjá Sigurði bróður mínum og konu hans, Halldóru Hjötleifsdóttur. Þau bjuggu í timburhúsi með einni hæð, kjallara cg risi. í kjallaranum var eldhúsið, en á hæðinni stofa og tvö her- Godasteinn 73

x

Goðasteinn

Direct Links

If you want to link to this newspaper/magazine, please use these links:

Link to this newspaper/magazine: Goðasteinn
https://timarit.is/publication/1897

Link to this issue:

Link to this page:

Link to this article:

Please do not link directly to images or PDFs on Timarit.is as such URLs may change without warning. Please use the URLs provided above for linking to the website.