Goðasteinn - 01.12.1964, Page 81

Ljósm.: Kúnar Gunnarsson.
Eftir aldamótin 1800 bjó í Indriðakoti undir Eyjafjöllum maður
að nafni Jón Hieronimusson, fæddur í Moldnúpi 14. júlí 1777,
sonur Hieronimusar Hannessonar frá Stóru-Borg og Önnu Jóns-
dóttur frá Hellnahóli. Jón kvæntist 30. maí 1804 Þuríði Einars-
dóttur bónda á Efri-Grund, Símonarsonar. Hún dó 15. nóv. 1816.
Jón kvæntist í annað sinn 1822 Guðlaugu Björnsdóttur bónda í
Miðbæli, Árnasonar og konu hans Sigríðar Stefánsdóttur. Voru
börn þeirra: Þuríður, Hieronimus, Ögmundur og Jón í Indriða-
koti. Af fyrra hjónabandi átti Jón þrjár dætur: Önnu, Snjófríði
og Guðbjörgu.
Jón dó 18. febr. 1852. Fáar sagnir lifa um hann, en hann lifir
enn í verkum sínum. Hann var smiður á tré og málm, oddhagur
Goðasteinn
79