Upp í vindinn - 01.05.2016, Blaðsíða 25

Umferðaspár
höfuðborgar-
svœðisins
Árið 2005 hóf VSÓ Ráðgjöf
vinnu við að endurbæta eldra
umferðarlíkan sem unnið hafði
verið í tengslum við Svæðisskipulag
höfuðborgarsvæðisins
2001 -2024. Líkan VSÓ gaf betri
niðurstöður en áður höfðu sést í
umferðarlíkönum hér á landi.
Líkanið hefur verið í stöðugri þróun
síðan og hefur verið notað við Ifestar
stærri skipulagsáætlanir
á höfuðborgarsvæðinu.
Styrkur umferðarlíkana liggur
ekki síst í því að geta borið saman
áhrif mismunandi skipulagskosta
á umferð. Þannig má t.d. meta
áhrif mismunandi landnotkunar og
þéttleika byggðar á umferðarmagn
og heildarakstur, sem getur svo nýst
til að meta m.a. orkunotkun, losun
gróðurhúsalofttegunda og áhrif á
umferðarhávaða og loftgæði.
Áður fyrr var vinnulagið við
skipulagsgerð yfirleitt þannig
að flestar stærri ákvarðanir um
landnotkun og uppbyggingu
voru teknar án þess að horft
væri sérstaklega á umferðarspár.
Umferðarspáin var gjarnan síðasta
skrefið í ferlinu, þegar búið var
að móta skipulagið að langmestu
leyti. Við gerð Aðalskipulags
Reykjavíkur 2010-2030 var tekin
upp ný aðferðafræði þar sem
umferðarlíkani var markvisst beitt
til að móta skipulagskosti [ 1 ]. Auk
þess voru gerðar spár sem tóku
mið af breytingu á ferðavenjum
og er það í fyrsta skipti sem
slíkt er gert hér á landi. Sama
aðferðarfræði var svo viðhöfð við
vinnslu hins nýja Svæðisskipulags
höfuðborgarsvæðisins.
Grétar Már Hreggviðsson
Byggingaverkfræðingur á
samgöngusviði VSÓ Ráðgjafar
Svanhildur Jónsdóttir
Samgönguverkfræðingur
og sviðsstjóri samganga hjá VSÓ
Ráðgjöf
Höfuðborgarsvæðið 2040
I Svæðisskipulagi
höfuðborgarsvæðisins 2015-2040
kveður við nýjan tón í skipulagsgerð
á Islandi. Þar hafa sveitarfélögin
á höfuðborgarsvæðinu komið sér
saman um stefnu um hagkvæman
vöxt svæðisins næstu 25 árin.
Samkvæmt íbúaspá mun íbúum
höfuðborgarsvæðisins fjölga um
70 þúsund til ársins 2040. Eitt
af lykilatriðum stefnunnar er að
fyrirsjáanlegri fólksfjölgun verði
mætt án þess að bílaumferð aukist
í sama hlutfalli. Hryggjarstykki
stefnunnar er samgöngu- og
þróunarás þar sem hágæða
ahnenningssamgöngukerfi
(borgarlína) mun tengja saman
kjarna sveitarfélaganna.
vsó
25