Upp í vindinn - 01.05.2016, Blaðsíða 50

áttina að upplýstum notendum sem
haga notkun sinni eftir framleiðslu
sveifiukenndra orkulinda.
Við þróuðum mjög ódýra
rafmagnsmæla og „app“ fyrir
snjallsíma þar sem húseigandi getur
á einfaldan hátt skilið framleiðslu
sólarrafhlöðunnar í rauntíma og
fengið skilaboð þegar eitthvað er
að. Einnig eru upplýsingar um
hvernig haga skuli orkunotkun
hússins til að fá sem mestan ágóða
af sólarrafhlöðunni. Þessi samskipti
við notendur (og nú framleiðendur)
á rafmagni gafst vel og höfum við
marga ánægða notendur á Suður-
Indlandi.
Á árinu 2015 hefur Shared Electric
nær eingöngu starfað á Indlandi.
Við höfum sett upp gott teymi
forritara og verkfræðinga í Bangalore
á Indlandi. Það er frábær staður
til vaxtar, nálægð við alla helstu
framleiðslugeira, fært starfsfólk og
kostnaður lágur.
Sveigjanleiki hjá
evrópskum notendum
Næstu skref fyrir Shared Electric
verða þó í Evrópu. Á meðan á öllu
þessu stóð hefur Shared Electric
þróað vöru fyrir Evrópumarkað.
Þessi hugbúnaður mun gera
orkufyrirtækjum kleift að auka
sveigjanleika notenda sinna; að
byggja upp hóp upplýstra notenda
sem vinna með orkufyrirtækjunum.
Það mun hjálpa fyrirtækjunum að
jafna álag á orkukerfinu, lækka
orkukostnað og auka tryggð
viðskiptavina. Viðskiptavinir fá
upplýsingar um hvaðan orkan
kemur, um gróðurhúsaáhrif hennar
en einnig tækfæri til að minnka
Shared Electric
Smart from the Start
gróðurhúsaáhrifin með því að breyta
notkunarmynstri sínu.
Okkur hefur verið boðið að prófa
tæknina okkar. I sumar mun eitt
stærsta orkufyrirtæki Danmerkur
nýta hugbúnaðarlausn okkar og
taka sín fyrstu skref í að þróa
hóp sveigjanlegra og upplýstra
orkunotenda. Það er okkar von að
þarna verði til þeir fyrstu af mörgum
slíkum notendum.
50