Sjómannablaðið Víkingur - 01.01.2024, Blaðsíða 4

4 | Sjómannablaðið Víkingur
1
Nafn, hvenær fæddur og hvar?
Kristgeir Arnar Ólafsson, fæddur 15
nóvember 1966 í Reykjavík.
Maki: Erna Pálmey Einarsdóttir.
Börn: Einar Kristinn Kristgeirsson og
Arnar Ingi Kristgeirsson.
Hversu gamall varstu þegar þú byrjaðir
á sjó og hve gamall varstu þegar þú
fórst í Stýrimannaskólann?
Ég byrjaði á sjó daginn eftir fermingu, þá
á Gullfaxa SH 125 en faðir minn, Kristinn
Arnberg, var eigandi og skipstjóri
Gullfaxa. Hann var búinn að lofa mér að
ráða mig til sjós um sumarið eftir
fermingu og stóð við það. Ég var 24 ára
þegar ég fór í Stýrimannaskólann.
Hvaða ár laukstu skipstjórnarprófi?
Fiskimanninn árið 1993 og tók svo
farmanninn 2012.
Á hvaða skipum hefur þú verið og
hvert þeirra er eftirminnilegast?
Gullfaxa SH, Geirfugli GK, Fjölni GK,
Hrungni GK, Sighvati GK, Kópi GK,
Eldhamri GK, Tjaldi ll SH, Tjaldi SH,
Valdimar GK og Kap ll VE.
Tímabilið 1994-1997 var ég á Tjaldi ll SH
og það tímabil er eftirminnilegast. Við
vorum að veiða grálúðu á línu og áhöfnin
var frábær. Við náðum svo vel saman og
mórallinn var eins og hann gerist bestur,
skipstjórinn Bjarni Kjartansson var alveg
einstakur og á ég honum margt að þakka.
Hvernig myndir þú lýsa skipinu sem
þú ert á núna og hvað heitir það?
Kap VE 4 er skip sem var smíðað 1967 og
er 57 ára í dag. Eins og árin segja til um
þá er þetta gamalt skip sem hefði átt að
fara í pottinn fyrir 25 árum síðan en hann
hentar vel á netaveiðum og útgerðin er
dugleg að halda skipinu vel við. Svo er nú
í bígerð að smíða nýtt skip.
Eftirminnilegasti skipstjóri sem þú
hefur siglt með?
Án efa er Það Bjarni
Kjartansson.
Hver er skemmtilegasti
maður sem þú hefur
verið með á sjó?
Þeir eru nú margir
skemmtilegir sem maður
hefur róið með en sá sem
kemur fyrst upp er
kallaður Halli bongó og
býr á Hellissandi. Hann
var með þann eiginleika
að láta þriggja vikna
veiðiferð líða eins og viku
á Tjaldi SH.
Hver er besti sjómaður sem þú hefur
haft í þinni áhöfn?
Þetta er frekar erfið spurning vegna þess
að þeir eru margir góðir.
Hver er uppáhalds fiskurinn minn að;
-a- borða? Lax.
-b- veiða? Þorskur.
Hvernig finnst þér best að matreiða
fisk?
Ofnbakaðan eða steiktan.
Hver er furðulegasti fiskur sem þú
hefur veitt?
Steinsuga.
Uppáhalds mið og af hverju?
Í janúar og febrúar, þá myndi ég segja
Breiðafjörður vegna þess að á þeim tíma
er þar yfirleitt góð veiði og mikið skjól
fyrir sunnan áttum sem eru oft ríkjandi á
þessum tíma. En svo í mars, apríl og maí
þá eru það miðin í kringum
Vestmannaeyjar.
Versta veðrið sem þú hefur lent í á sjó?
Ég held að það hafi verið árið 1998, frekar
en 1997. Þetta var í mars. Ég var þá
skipstjóri á Tjaldi SH. Við vorum að
kanna hvort það væri grálúða út á
Reykjaneshrygg fyrir utan 200 sjm
landhelgislínuna. Við vorum búnir að
vera þarna í þrjá daga þegar það spáir
stormi en það var nú aðeins meira en það.
Vindmælirinn um borð sýndi 98 hnúta
sem er 17 vindstig og ég tel að ölduhæðin
hafi verið um 20 metrar þegar verst var.
Þarna var með okkur stór frystitogari að
halda sjó og héldu þeir að þetta væri
þeirra síðasti dagur. Þetta var viðbjóður
sem ég lofaði sjálfum mér að koma mér
aldrei aftur í og hef ég staðið við það.
Kristgeir Arnar Ólafsson
KALLINN Í BRÚNNI
Hjónakornin Kristgeir Arnar og Erna Pálmey Einarsdóttir í góðum gír á Kýpur.
Kap ll VE 7 sem heitir nú Kap VE 4. Mynd: Shipspotting–Iceland.com