Sjómannablaðið Víkingur - 01.01.2024, Blaðsíða 6

6 | Sjómannablaðið Víkingur
1
Hefur þú upplifað ótvíræða lífshættu á
sjó?
Það var á Fjölni GK. Ég man nú ekki alveg
árið, svona á bilinu „83“ til „86“. Þetta var
um haust og vorum við fyrir austan á
síldveiðum. Við fengum gott kast og
vorum að háfa eða dæla síldinni um borð.
Fjalirnar í lestinni bakborðsmegin gáfu sig
og flæddi öll síldin úr bakborða yfir í stjór.
Við það lagðist Fjölnir á stjórnborðssíðuna.
Skipstjórinn byrjaði að keyra skipið upp
og skárum við pokann af nótinni. Eftir að
hafa reynt að sigla skipið upp gafst
skipstjórinn upp og bað okkur að skjóta
út björgunarbáti þegar hann slægi af ef
báturinn færi við það endanlega á hliðina.
En sem betur fer þá gerðist það ekki og
okkur var fylgt til Eskifjarðar með þennan
skipshalla sem var frekar mikill.
Hver er mesta breyting siglingatækja
sem þú hefur upplifað?
Ég myndi segja siglingartölvan.
Þín skoðun á kvótakerfinu og hvernig
það hefur virkað?
Pass.
Hvernig finnst þér fiskifræðin hafa
staðið sig við að meta veiðiþol stofna?
Pass.
Hvað áhrif telur þú að
hlýnun jarðar muni hafa á
fiskistofna við Ísland í
framtíðinni?
Pass.
Hefur þér tekist að vekja
áhuga afkomendanna á
sjómennsku?
Já ég myndi segja það. Einar
Kristinn, eldri sonur minn, er
yfirstýrimaður á Björgu EA hjá
Samherja og Arnar Ingi, yngri
sonur minn, er hálfnaður með
Stýrimannaskólann.
Mælir þú með sjómennsku eða
skipstjórn við ungt fólk í dag?
Já það geri ég. Þetta er frábært starf og
starfsumhverfið er alltaf að batna með
nýjum skipum og tækni.
Og að lokum fyrir bíó fara og bókaorma:
a – áttu þér uppáhalds bók og hvaða
bók ertu að lesa núna?
Ég er engin bókaormur en ég er forfallinn
tónlistarunnandi og Pink Floyd er búið að
vera í uppáhaldi síðan 1979.
b- uppáhalds kvikmyndin? Forrest
Gump og Braveheart.
Maciej með einn vænan þorsk.
Feðgar saman á sjó í fyrsta sinn.
Strákarnir greiða fiskinn úr netunum.