Sjómannablaðið Víkingur - 01.01.2024, Blaðsíða 8

8 – Sjómannablaðið Víkingur
1
„TEKIÐ Í BLÖKKINA“
Lagt upp í ferð
Texti: Hjálmar Þ. Diego
Myndir: Ólafur Ólafsson
og Hjálmar Þ. Diego
Í þessum félagsskap – sem nefnist því
viðeigandi nafni Tekið í blökkina – eru
um það bil 60 misvirkir félagar sem
eiga það sameiginlegt að hafa einhvern
tíma siglt og stundað sjómennsku á
síðutogurunum og hafa með góðfúslegu
leyfi Hrafnistu Laugarási fengið að
halda fundi sína einu sinni í mánuði í
aðalmatsalnum en einhverjir félagar eru
einmitt búsettir á Hrafnistu. Giska án
ábyrgðar á að meðalaldur félaga sé um
það bil 80 til 90 ár
Hér á eftir er ágrip af ferðasögu níu
félaga sem ákváðu að taka þátt í fimm
daga (fjögurra nátta) ferð á gamlar
slóðir í Þýskalandi.
FERÐIN AFRÁÐIN
Um nokkurn tíma hefur á fundum okkar,
verið rætt um að gaman væri að heimsækja
gömlu löndunarhafnir togaranna í
Þýskalandi og Bretlandi. Loks á fundi í
júlí 2023 var ákveðið að láta reyna á
þátttöku því engan tíma má greinilega
missa miðað við meðalaldurinn.
Hinn 9. ágúst samþykkti Þórarinn
Guðbergsson, einn félaganna, að taka að
sér fararstjórn og ferðaáætlun. Þórarinn er
öllum hnútum kunnugur eftir að hafa
starfað við umboðsmennsku, fisksölu,
umsjón landana skipa (og gámafisks) og
einnig verið búsettur sem slíkur í
Þýskalandi og Bretlandi.
Sjö skráðu sig í ferðina strax á fundinum í
júlí og síða bættust tveir við og hópurinn
því níu togarajaxlar, meðalaldur 77,7 ár.
Tek fram að fleiri langaði en áttu ekki
heimangengt af ýmsum ástæðum, til
dæmis ellikellingu, lasleika, fjölskyldu og
þess hátta. Enda augljóst að kalla mætti
svona ferð glapræði og dellu ruglaðra
gamalmenna á síðasta snúningi.
Þórarinn ekki öfundsverður að bera
ábyrgð á utanumhaldi og vera bæði
bílstjóri og fararstjóri en vonandi jafnar
hann sig og við erum honum ævarandi
þakklátir fyrir framúrskarandi stjórn og
þolinmæði.
RÖLT UM OG SAGÐAR
GROBBSÖGUR
Flogið þann 29. ágúst síðastliðinn til
Hamborgar með Icelandair kl. 07:50.
Komutími 13:05. Þar beið okkar níu
manna bílaleigubíll og ekið sem leið lá til
Bremerhaven á Best Western Plus Hotel,
4. stjörnu hótel sem er staðsett á Fischkai
2, sem sagt akkúrat á besta stað.
Á bryggjunni við hótelið lá gamall
austurþýskur síðutogari, „GERA ROS“
223. Einhvern tíma höfðu menn séð slíka
á veiðum heima og við Grænland, bara
með troll stjórnborðsmegin en
yfirbyggingu eða upphækkun á bak.
„GERA“ er núna safn, en við urðum á láta
okkur nægja að skoða af bryggjunni, því
skipið var lokað þegar okkur bar að.
Í Bremerhaven ókum við og röltum um,
könnuðum gamlar slóðir og kennileiti.
Einnig voru sagðar grobbsögur frá fyrri
dögum og ýmsum uppákomum eins og
gömlum togarajöxlum er tamt.
Ákveðið var að borða saman kvöldverð á
einu fjölmargra veitingahúsa sem eru í
gömlu fiskverkunarhúsunum þar sem
fiskmarkaðurinn var áður.
Þarna hafa borgaryfirvöld o.fl. verið
framsýn og engu breytt nema í stað þess
að vinna fisk, er etinn fiskur auk þess að
bjóða alla almenna rétti. Þar sem áður
Hópurinn ásamt masterchef og fischsommelier herra Rolf Hartus. Talið frá vinstri: Ólafur Þórðarson, Jón
Jónsson, Sverrir Andrésson, Kristján Guðmundsson, Þórarinn Guðbergsson, Rolf Hartus, Hjálmar Þ. Diego,
Þórður Ásmundsson, Markús Alexandersson og Ólafur Ólafsson. Myndina tók starfsmaður Fischkochstudio
í Bremarhaven.
„Austur-þýski“ síðutogarinn „GERA ROS“.