Veiðimaðurinn - 2024, Qupperneq 16

Á þennan hátt sé Karl að nokkru leyti eins
og leiðsögumaður nema að hann hangi
ekki yfir veiðimönnunum.
Slegið í gegn í Laxárdal
„Þú getur leitað til Kalla og hann kemur við
hjá þér með leiðbeiningar en getur náttúr-
lega ekki deilt sér niður á tíu stangir þannig
að hann fer bara meira yfir prógrammið
og útlitið fram undan. Hann getur ráðlagt
eftir því hvernig viðrar og ástandinu á ánni
um það hvernig best sé að veiða staðina,
með hvaða aðferðum og hvaða flugur eigi
að setja undir,“ segir Ingimundur. Þessa
nálgun segir Ingimundur hafa verið að
ryðja sér til rúms víða um heim á síðustu
árum. „Við höfum verið með þessa gest-
gjafatúra í Laxárdal. Þar hefur verið alveg
sprengja af því að menn eru svo ánægðir
með þetta fyrirkomulag og það er alltaf
uppselt í þessi Laxárdalsholl.“
Drottningin tryggð til sjö ára
Varðandi starfið hjá Stangaveiðifélaginu
almennt segir Ingimundur það allt ganga
mjög vel. „Það hefur aldrei verið meiri
eftirspurn í Elliðaárnar, þannig að það
lítur allt afskaplega vel út.“
Stangaveiðifélagið er einmitt á þessu ári að
byrja nýjan leigusamning við landeigendur
við Langá. Ingimundur segir samninginn
vera til sjö ára. Félagsmenn geta því byrjað
að hlakka til komandi sumra við bakka
Langár. „Heldur betur,“ segir Ingimundur,
sem kveður ána skipa sérstakan sess hjá
félaginu. „Langá er drottningin okkar,“
undirstrikar framkvæmdastjórinn.
Nýja álman er byggð til norðurs í framhaldi af húsi leiðsögumanna og er á tveimur hæðum. Mynd/TH
16 Nú geta fleiri sofið einir í Langárbyrgi