Veiðimaðurinn - 2024, Blaðsíða 17

Veðurstöðvar í veiðihús
Veiðimenn iða margir í skinninu þegar
fyrsti veiðitúrinn nálgast. Þá eru veiðitölur
gjarnan skoðaðar daglega og auðvitað
veðurspáin. Þó að fjöldi veðurathugunar-
stöðva sé á Íslandi eru þær ekki endilega
staðsettar við veiðiár og þar með gefa spár
ekki endilega rétta mynd af veðrinu við
þá á sem veiðimenn hyggjast sækja heim.
Stjórn Stangaveiðifélags Reykjavíkur
ákvað að fara í smá tilraunaverkefni og
kanna nokkrar veðurstöðvar, sem munu
vonandi gefa fullkomna mynd af veðrinu.
Verða stöðvarnar í fjórum veiðihúsum:
Langárbyrgi við Langá, Hofi við Laxá í
Mývatnssveit og í veiðihúsunum við
Haukadalsá og Sandá. Gefi þetta góða raun
er stefnt að því að setja upp veiðistöðvar
við fleiri ár á næsta ári.
Veðurstöðvarnar eru frá þýska framleið-
andanum Bresser og keyptar af S. Boga-
syni. Stöðvarnar sem settar verða upp
í veiðihúsunum eru af gerðinni Bresser
3230. Í veiðihúsunum verður hægt að
skoða veðrið og átta daga spá á 19 tommu
skjá. Hugmyndin er svo að tengja veður-
stöðvarnar við heimasíðu SVFR svo að
félagsmenn geti fylgst með spánni á
netinu.
Hvernig er veðrið við ána? Hefur rignt eitthvað eða er rigning í kortunum? Verður
lygnt eða bálhvasst þegar veiðitúrinn hefst og hvernig er loftþrýstingurinn?
Sigurður Magnússon í árnefnd Laxár í Mývatnssveit setur veðurstöðina upp.
Veiðimaðurinn 17