Veiðimaðurinn - 2024, Page 25

Veiðimaðurinn 25
Niðurstöðurnar eru um margt áhugaverðar. Sem
dæmi höfðu um 65% þátttakenda í könnuninni
veitt í 31 ár eða lengur. Er þetta meðal ástæðna
fyrir því að enn meiri áhersla verður nú lögð á
ungmennastarfið í félaginu.
Lítill munur er á því hvort félagsmenn stundi
lax- eða silungsveiði en vafalaust egna margir
bæði fyrir laxi og silungi. Meirihluti félagsmanna
er hlynntur veiða og sleppa, eða 52%, en 33% eru
mótfallin veiða og sleppa og 16% segjast hvorki
hlynnt né mótfallin. Einungis 5% þátttakenda í
könnuninni eru frekar eða mjög mótfallin kvóta
í ám SVFR.
Um 60 prósent félagsmanna eru mjög eða frekar
ánægð með núverandi framboð veiðileyfa hjá
SVFR. Einungis 14% segjast frekar óánægð með
úrvalið og 1% mjög óánægð. Í könnuninni var
einnig spurt hvaða tegund veiðileyfa SVFR ætti
að bæta í úrval sitt. Flestir, eða 33%, segjast vilja
sjá félagið auka úrval leyfa í sjóbirtingsveiði. Þegar
spurt var hvort félagsmenn vildu heldur kaupa
veiðileyfi með þjónustu eða án hennar var svarið
alveg skýrt. Alls sögðust 73% vilja kaupa veiðileyfi
án þjónustu.
Eins og greint var frá í jólablaði Veiðimannsins
er afstaða félagsmanna til sjókvíaeldis skýr. Um
87% segjast mjög eða frekar mótfallin sjókvíaeldi
en um 9% segjast mjög eða frekar hlynnt því.
Fimm prósent svöruðu því til að þeim væri sama.
Þegar spurt er út í viðbrögð SVFR gegn sjókvíaeldi
segja 50% félagið gagnrýna sjókvíaeldi of lítið,
um 44% segja gagnrýnina hæfilega og 5% segja
hana of mikla.
500+
52%
65%
33%
5%
Alls voru 33 spurningar lagðar
fyrir félagsmenn og tóku ríflega
500 þeirra þátt í könnuninni
Meirihluti félagsmanna er hlynntur
veiða og sleppa, eða 52%
Þátttakenda í könnuninni
veitt í 31 ár eða lengur
Auka úrval leyfa
í sjóbirtingsveiði
Einungis 5% þátttakenda í könnuninni eru
frekar eða mjög mótfallin kvóta í ám SVFR
Maður á hesti við Búrfoss í vestari kvísl Elliðaánna.
Myndin er tekin um 1900 og sýnir ónumið land.
Mynd Sigfús Eymundsson. Ljósmyndasafn Reykjavíkur.