Veiðimaðurinn - 2024, Qupperneq 41

Þegar hann er spurður um fyrsta laxinn
sem hann veiddi hugsar hann sig vel um.
„Nei, ég man ekki eftir fyrsta laxinum
en er nokkuð viss um að hann var úr Ell-
iðaánum og þá í opnun. Líklegast í foss-
inum því á þeim degi var ekki farið mikið
upp eftir ánni, helst í Móhylina og kannski
upp í Teljarastreng.
Ég gekk í félagið fyrir eitthvað tæplega 60
árum þó að ég muni það ekki alveg. Ég hef
allan þann tíma veitt Elliðaárnar á hverju
ári síðan. Þarna eru margir veiðistaðir og
ég get upplýst að eftir að hafa veitt árnar
þetta lengi fór ég í fyrsta skipti í fyrra-
sumar í Árbæjarhyl! Ég get líka bætt við
að allan þennan tíma hef ég varla hirt
fisk úr ánum, þó að það hafi komið fyrir.
Það má segja að öll þessi reynsla gagn-
ist lítið í dag, þar sem árnar breytast og
það er barið á þessu alla daga. Svo eru
yngri veiðimenn með andstreymistækni
í veiðinni og hvað þetta nú heitir. Þetta
hefur breytt svo miklu og við þessir
gömlu karlar, við kunnum bara að kasta
45 gráður við öll skilyrði. Það eru fram-
farir í þessu eins og öðru.
Ég veiði enn í Elliðaánum á hverju ári en
treysti mér ekki lengur að ganga einn til
veiða. Ég er orðinn svo lélegur að ég er
enginn maður til að veiða nema litlu árnar
eins og Elliðaárnar. Ég get ekkert vaðið
af viti lengur. Í fyrra var ég að jafna mig
eftir aðgerð og jafnvægið var ekki gott. Þá
er ekki gott að horfa mikið niður í vatn.
Ég tók nú samt einhver köst en ég vissi
að tæki einhver alvöru fiskur hefði hann
bara kippt mér út í!
Árnar orðnar margar
Ég hef veitt mikið alveg hringinn í
kringum landið, ætli þær séu ekki á
fimmta tuginn árnar sem ég hef veitt.
Sumar eru svo sem ekki áhugaverðar og
svo eru aðrar sem ég hef einhverra hluta
vegna ekki haft tækifæri til að veiða, eins
og til dæmis Laxá í Dölum. En aðrar heim-
sótti ég reglulega gegnum árin.
Ég veiddi mikið í Laxá í Þingeyjarsýslu á
meðan hún var og hét og með jafnbestu
veiðina á þeim tíma. Byrjaði þar held ég
1973 bæði hjá Laxárfélaginu og í Nesveið-
inni og veiddi síðast þar með vini mínum
Þórði Péturssyni 2004 eða 2005. Þórður
var svo snjall eins og bátamenn verða,
hann kunni svo vel að halda bátnum í
straumnum og róa til að þreyta fiskinn.
Ég veiddi þó meira af bakka eða með því
að vaða. Laxá er mikil vaðá, sérstaklega
neðri svæðin, og reyndar upp frá líka eins
og í Hólmavaði.
Fyrir utan Laxá í gamla daga veiddi ég til
dæmis Svartá í Húnavatnssýslu en hún er
gjörólík. Veiðin þar hefur minnkað mjög
mikið. Í þá daga var bara veitt í Blöndu
neðst niður frá og ekki veitt upp alla ána
eins og núna. Þá var miklu meiri fisk-
gengd í Svartá en nú og hún alveg þokka-
leg veiðiá. Aukin veiði í Blöndu virðist
ekki hafa hjálpað henni en maður veit
samt aldrei hverju er um að kenna og
eflaust ekki neitt eitt sem því veldur. Aðrar
ár sem ég held upp á eru Langá, Norðurá
og Grímsá.
Veiðimaðurinn 41