Veiðimaðurinn - 2024, Blaðsíða 52

15 pund og seinni 10 punda. Sá var mjög
líflegur, enda nýrunninn. Mig minnir að
næsti staður sem ég fékk fisk á hafi verið
Eskeyjarflúð. Sá lax var erfiður og lét hafa
fyrir sér, enda erfitt um löndun þar. En
það tókst með hjálp Dodda og þetta var
annar 20 punda hængur. Eftir að þessi var
kominn á land var komið að hvíldinni.
Nú er alveg tímabært að nefna að morgun-
veiðin kom öll á sömu fluguna. Þetta voru
Munro Killer-einkrækjur hnýttar af frú
Megan Boyd sem Englendingar höfðu
fært mér að gjöf. Þessar flugur eru nú
eiginlega safngripir en ég sá enga ástæðu
aðra en að nota þær! Ég var líka með ein-
hendu, tíu og hálfs feta karbonstöng sem
var mun léttari en þungu tvíhendurnar
sem þá tíðkuðust.
Eftir hádegishlé vorum við Doddi mættir
á bakkann á mínútunni fjögur við Tjarn-
arsvæðið. Tjörn er bærinn sem sést frá
gatnamótunum þegar leiðin er valin til
Húsavíkur eða upp í Reykjadal. Þarna
keyrði maður niður að ánni eftir slóða sem
fer um aldagamalt hraun. Veiðistaðurinn
sjálfur er hólmi sem gengt er í á trébrú.
Það var ekki mikið að gerast ofan við
flúðina. Að vísu reistu sig tveir fiskar en
tóku ekki fluguna. Þá leggur Doddi til að
við færum okkur niður fyrir flúðina. Það
vildi svo til að þetta var fyrsti dagurinn
sem þar var vætt. Ég óð því þvert yfir ána
og kastaði að syðri bakkanum og eftir
nokkur köst var tekið hressilega í. Þessi
lax vildi fara niður en ég var nú orðinn
vanur að halda vel í og trúi því að betra
„Það var ekki mikið að gerast ofan við flúðina.
Að vísu reistu sig tveir fiskar en tóku ekki fluguna.
Þá leggur Doddi til að við færum okkur niður
fyrir flúðina.“
52 50 kíló af laxi í yfirvigt