Veiðimaðurinn - 2024, Qupperneq 86

Skerið ostana í litla bita, vínberin í fjóra hluta hvert og vorlaukinn í þunnar
sneiðar. Blandið öllu saman í skál og hrærið vel saman. Setjið í fallega krukku
með þéttu loki og geymið að lágmarki í 2–3 klst. áður en borið er fram. Berið
fram með góðu kexi eða brauði.
Rjómaostur með sólþurrkuðum tómötum og ólífum
Ostasalat
Þessi rjómaostur er algerlega geggjaður og ef þú hugsar „kommon, hver nennir þessu
þegar það er bara hægt að kaupa ágætis bragðbættan rjómaost“ – trúðu mér, þegar
þú hefur prófað þennan getur þú ekki hætt. Smá fyrirhöfn er líka skemmtileg, það
bragðast allt betur sem maður nostrar við.
Til eru margar útgáfur af ostasalati sem hefur verið vinsælt í áratug – hér er einföld
útgáfa sem er ótrúlega góð. Það má vel leika sér með hlutföllin og nota sem dæmi tvær
tegundir af ostum í stað þriggja, vínberin gera salatið ferskt og vorlaukurinn kemur
með skemmtilegt tvist.
• 200 g rjómaostur
• 3 msk. pestó með sólþurrkuðum
tómötum (heimagert er best)
• 1 hvítlauksrif
• 10 grænar ólífur
• 10 svartar ólífur
• 5 sólþurrkaðir tómatar
• ½ piparostur
• ½ Mexíkóostur
• ½ hvítlauksostur
• 20–25 vínber
• 1 vorlaukur
• 3–4 msk. majónes
• 1–2 msk. grísk jógúrt
Rjómaostur, pestó og hvítlaukur maukað saman í matvinnsluvél. Ólífurnar
skornar í þunnar sneiðar og sólþurrkuðu tómatarnir í litla bita og hrært saman
við rjómaostamaukið með sleif. Setjið í fallega krukku eða skál og berið fram
með góðu kexi og/eða brauði.
86 Hamingjustund við bakkann