Goðasteinn - 01.09.2009, Qupperneq 112

Goðasteinn 2009
Þorgils Torfi Jónsson, oddviti Rangárþings
ytra, segir Erni Þórðarsyni sveitarstjóra til
við barnapössun ífundarhléi á einum af
fjölmörgum fundum sem þeir og móðirin,
Unnur Brá Konráðsdóttir, þurftu að sœkja.
Nokkrir fundir um atvinnumál voru haldnir á
Suðurlandi að tilstuðlan Arna Johnsen,
alþingismanns. Hér er mynd frá fundinum á
Hellu, Þorgils Torfi Jónsson í rœðustól og
sitjandi eru þau Valgerður Kr. Brynjólfsdóttir
jundarstjóri og Ragnar Pálsson, einn
frummœlenda.
fróðleiks og skemmtunar. Hefðbundin bæjarhátíð Hellu, svokölluð Töðugjöld, var
samþættuð landbúnaðarsýningunni og fjölmenntu íbúar Hellu á Gaddstaðaflatir til
að samgleðjast með sýningargestum. Fleiri aldarafmæli voru haldin á Hellu en
Ungmennafélagið Hekla hélt mikla hátíð í íþróttahúsinu á Hellu af tilefni
afmælisins. Var þar til sýnis ágrip af hundrað ára sögu félagsins og ýmsir munir
henni tengdir. Einnig kom út yfirgripsmikið afmælisrit ungmennafélagsins. A
árinu var einnig hafist handa við skrif um sögu þéttbýlis á Hellu og þar með að
gera ábúendasögu sveitarfélagsins skil í heild sinni en áður hafði saga sveitanna
verið skráð.
í tilefni af stórum viðburðum og væntanlegri gestakomu um sumarið var reynt
að koma ásýnd sveitarfélagsins í sem best horf. Miklar framkvæmdir voru á Hellu
fyrir landsmót hestamanna og tók miðbærinn frekari stakkaskiptum, m.a. með
miklum malbiksframkvæmdum og almennum frágangi. Sundlaugin á Hellu fékk
yfirhalningu svo um munaði, sundlaugargarður reis með rennibrautum og vaðlaug
fyrir börn. Aðsókn margfaldaðist og ánægja gesta jókst.
Lista- og menningarstarf óx í sveitarfélaginu m.a. í tengslum við árlega Lista-
veislu í Þykkvabæ. Fræðslutengt ráðstefnuhald blómstraði á menningarsetrinu
Leirubakka og háskólanám var fest í sessi í Gunnarsholti með samstarfi við Land-
búnaðarháskólann og Háskóla Sameinuðu þjóðanna. Fyrstu háskólanemendurnir
stunduðu sitt vísindastarf í jarðvegsbótum um sumarið á Rangárvöllunum. Afram
110