Goðasteinn - 01.09.2009, Qupperneq 155

Goðasteinn 2009
hans og hjarta. Hjálpsemi var honum í blóð borin. Þeim þætti kynntust vel
vinir hans, nágrannar og fjölskyldan. Hann var ævinlega fljótur til þegar
einhver í fjöslyldunni þurfti á aðstoð að halda og ófá handtökin sem hann hefur
lagt í té vinum og vandamönnum.
En fyrst og helst var Páll traustur vinur, heill og sannur sem aldrei brást,
bóngóður og greiðvikinn. Hann var einn af þeim ósérhlífu og hljóðlátu, tranaði
sér ekki fram en orð hans, þegar hann tjáði sig, höfðu vægi. Hann var góður
heim að sækja og gestrisnin þeim hjónum báðum eðlislæg. Þeir sem að garði
bar á Lækjarbrautina fundu að þangað var gott að koma og hitta fyrir þau hjón
sem tóku á móti öllum af gestrisni og hjartahlýju.
Páll var maður víðáttunnar og óbyggðanna og Veiðivötnin voru hans
Paradís og þangað lá leiðin þegar kostur var á og best þótti honum að una þar í
faðmi fjölskyldu og vina því í samvistum við ástvinina leið honum best og eiga
börnin hans og fjölskylda dýrmætar minningar frá slíkum stundum. Eins fór
hann um árabil í klakveiðina á haustin og mörg eru handtök hans þar uppfrá í
tengslum við viðhald og viðgerðir á húsum Veiðifélagsins og vatnskerfinu. Þá
voru fjallaferðir meðan hann var ungur bóndasonur í Kaldárholti dálæti Páls.
Páll veiktist af Parkinson-veikinni fyrir um 10 árum og missti heilsuna.
En þar kom til hin mikla elja og þrautsegja sem honum var gefin að víl og vol
var ekki til í hans sinni. Hann lést á Lundi að morgni 9. desember 2008 og fór
útför hans fór fram frá Árbæjarkirkju 13. des. 2008.
Sr. Hallclóra J. Þorvarðardóttir, Fellsmúla
Ragnhildur Sveinbjarnardóttir frá Lambey
Ragnhildur Sveinbjarnardóttir fæddist á prestssetrinu
Laufási við Eyjafjörð hinn 25. mars 1927. Hún lést á
Landspítalanum 19. apríl s.l. Foreldrar hennar voru
hjónin Þórhildur Þorsteinsdóttir frá Vestmannaeyjum
og sr. Sveinbjörn Högnason síðar prófastur og alþing-
ismaður hér á Breiðabólstað í Fljótshlíð. Sr.
Sveinbjörn lést árið 1966 en frú Þórhildur í desember
2003, liðlega aldar gömul.
153