Golf á Íslandi - 01.07.2014, Qupperneq 28

GOLF Á ÍSLANDI • www.golf.is
28
Tinna Jóhannsdóttir úr Keili kom afs-
löppuð og með engar væntingar til leiks
á Íslandsmótinu í holukeppni, Securitas-
mótinu, sem fram fór á Hvaleyrarvelli
27.-29. júní. Tinna hefur lagt afreksgolfið
aðeins aftar í forgangsröðunina eftir að
hafa reynt við atvinnumannadrauminn um
nokkurt skeið. Hún naut sín vel við flottar
aðstæður á heimavellinum þar sem hún lék
til úrslita gegn Karen Guðnadóttur úr GS.
Tinna náði strax yfirhöndinni í úrslita-
leiknum með því að vinna fyrstu holuna
gegn Karen og eftir 5 holur var Tinna með
tvær holur. Hún vann einnig 7. og 8. og
var því fjórar holur upp þegar þær voru
hálfnaðar. Karen náði að vinna eina holu til
baka á 10., en Tinna náði einni til baka á 12.
Tinna tryggði sér sigurinn með glæsilegu
innáhöggi á 14. flöt þar sem hún var nálægt
því að fá örn og fagnaði hún fyrsta Íslands-
meistaratitlinum í holukeppni vel og innilega
eftir 5/4 sigur gegn Karen Guðnadóttur.
Keppnisfyrirkomulagið á Securitasmótinu
var með þeim hætti að keppendum var raðað
niður í átta riðla og voru fjórir kylfingar í
hverjum riðli. Í riðlakeppninni léku allir
kylfingarnir þrjá leiki og sigurvegararnir
í hverjum riðli komst í átta manna úrslit.
Raðað var í riðla eftir stöðu keppenda á
stigalista Eimskipsmótaraðarinnar. Í riðli átta
voru þrír kylfingar þar sem að einn kylfingur
forfallaðist.
Sunna Víðisdóttir GR, Heiða Guðnadóttir
GKj, Signý Arnórsdóttir GK, Karen Guðna-
dóttir GS, Berglind Björnsdóttir GR, Tinna
Jóhannsdóttir GK, Guðrún Brá Björgvins-
dóttir GK og Ragnhildur Kristinsdóttir GR
sigruðu í sínum riðlum og léku í átta manna
úrslitum.
Heiða og Karen mættust í undanúr-
slitum og Tinna og Guðrún Brá.
„Ég var bara afslöppuð og var ekki með
miklar væntingar fyrir þetta mót. Það var
ánægjulegt að sigra og loksins náði ég
þessum titli. Ég veit ekki hvað ég hef tapað
oft í úrslitaleik á Íslandsmótinu í höggleik
en núna er þetta komið,“ sagði Tinna en
hún æfir ekki mikið golf eftir að hún hætti í
atvinnumennsku. Hún vinnur hjá Isavia og
er einnig að kenna golf hjá Keili. „Ég reyndi
nánast alltaf að eiga 100 metra högg inná
– lengdarstjórnunin var lítil sem engin í inn-
áhöggunum sem voru nær. Golfið er tóm-
stundagaman hjá mér núna og ég er ekki viss
um að taka þátt á Íslandsmótinu í höggleik.
Tinna sagði að undanúrslitaleikurinn gegn
Guðrúnu Brá Björgvinsdóttur úr Keili
hafi verið erfiðasti leikurinn – en þær eru
systkinabörn. „Ég spilaði eiginlega bara við
Keilisstelpur á þessu móti og það er alltaf
skrýtin tilfinning að spila gegn þeim,“ sagði
Tinna.
Guðrún Brá úr Keili varð þriðja en hún
sigraði Heiðu Guðnadóttur úr Kili, 2/0.
Heiða var búin að vinna þrjár holur eftir 8
holur í leiknum um þriðja sætið en Guðrún
Brá náði að saxa á það forskot. Staðan var
jöfn eftir 14. holu og Guðrún Brá komst yfir
á 15. og tryggði sér síðan 2/0 sigur á 17. flöt.
Heiða náði eftirtektarverðum árangri á þessu
móti en hún lagði Valdísi Þóru Jónsdóttur í
riðlakeppninni og tryggði sér nánast sigur í
riðlinum með þeim sigri. Hún sigraði síðan
Sunnu Víðisdóttur, sem er Íslandsmeistari í
höggleik, í átta manna úrslitum.
Þriggja metra pútt fyrir pari gaf góð fyrirheit
„Púttið sem ég setti í á fyrstu holu í úr-
slitaleiknum gegn Karen Guðnadóttur var
eftirminnilegasta högg mótsins. Ég setti
fyrra púttið þrjár metra fram yfir holuna og
það var ekki í fyrsta sinn á þessu móti sem
ég upplifði það. Karen er góð í púttunum
og stutta spilinu, ég fann því fyrir pressu að
setja niður par púttið, þannig að hún næði
ekki yfirhöndinn á fyrstu holu. Ég setti niður
par púttið og hún missti sitt sem kom mér á
óvart. Púttið sem ég setti í var í raun „augna-
blik“ mótsins að mínu mati, var sterkt fyrir
sjálfstraustið og framhaldið í úrslitaleiknum,“
sagði Tinna Jóhannsdóttir þegar hún var innt
eftir „eftirminnilegasta högginu“ á Íslands-
mótinu í holukeppni, Securitasmótinu.
TINNA MÆTTI AFSLÖPPUÐ TIL LEIKS
- fagnaði Íslandsmeistaratitlinum í holukeppni í fyrsta sinn á gamla heimavellinum
„Hvaleyrin er minn heimavöllur
og seinni níu holurnar eru mínar
uppáhaldsholur. Ég hef aldrei verið
hrifin af 5. holunni af bláum teigum,
Teighöggið hrikalega ósanngjarnt
fyrir okkur þannig ég var mjög ánægð
með að teigarnir voru færðir á gula
teiginn, þar sem ég vil bara að hann
sé alltaf. Annars hlakkar mig alltaf til
að spila 13 holuna, hún býður uppá
allskonar skemmtilegheit,“ sagði
Tinna um uppáhaldsholuna sína á
Hvaleyrarvelli.
Tilhlökkun að leika
13. brautina
Tinna fagnar hér Íslands-
meistaratitlinum ásamt
móður sinni sem var að-
stoðarmaður hennar.
Tinna slær hér á 13. teig.
Heiða og Karen Guðnadætur.