Golf á Íslandi - 01.07.2014, Side 92

GOLF Á ÍSLANDI • www.golf.is
92
Íslandsmótið í holukeppni unglinga fór fram 20.-22. júní á Urriðavelli við góðar veðurað-
stæður og á góðum keppnisvelli. Alls tóku 150 kylfingar þátt en þetta var þriðja mótið á
Íslandsbankamótaröð unglinga. Á föstudeginum var leikinn höggleikur þar sem keppt
var um efstu sætin í hverjum aldursflokki og þar með sæti í sjálfri holukeppninni.
Þeir kylfingar sem náðu alla leið í úrslitaleikina léku því allt að fimm átján holu hringi á
þremur keppnisdögum.
Tumi Hrafn Kúld úr Golfklúbbi Akureyrar
sigraði í flokki 17-18 ára pilta og er þetta í
fyrsta sinn sem Tumi Hrafn leikur til úrslita
í þessari keppni. Hann lék gegn Aroni Snæ
Júlíussyni úr GKG í úrslitaleiknum og er
þetta í fimmta sinn sem Aron Snær tapar
úrslitaleik í þessari keppni en Tumi hafði
betur 2/0. Birgir Björn Magnússon úr Keili
og Kristófer Orri Þórðarson úr GKG léku um
þriðja sætið en þar hafði Birgir Björn mikla
yfirburði 7/6. Aron Snær sigraði Birgi Björn
í undanúrslitum 1/0 og Tumi Hrafn lagði
Kristófer Orra 3/2.
Ragnhildur Kristinsdóttir úr GR og Birta Dís
Jónsdóttir úr Golfklúbbnum Hamri á Dalvík
léku til úrslita í stúlknaflokki 17-18 ára. Úr-
slitaleikurinn var spennandi þar sem Ragn-
hildur hafði betur með minnsta mun 1/0.
Helga Kristín Einarsdóttir úr Nesklúbbnum
varð þriðja en Karen Ósk Kristjánsdóttir úr
GR var mótherjinn í þeim leik sem endaði
3/2. Þetta er annað mótið í ár sem Ragn-
hildur vinnur á Íslandsbankamótaröðinni.
Í undanúrslitum mættust Birta og Karen og
lauk þeirri viðureign 5/4. Ragnhildur sigraði
Helgu 4/3.
Hvergerðingurinn Fannar Ingi Stein-
grímsson stóð uppi sem sigurvegari í flokki
15-16 ára en mótherji hans var Hákon Örn
Magnússon úr GR. Fannar var með nokkra
yfirburði í úrslitaleiknum sem endaði 5/3.
Hákon kom verulega á óvart á þessu móti en
hann sigraði Arnór Snæ Guðmundsson frá
Dalvík 1/0 í undanúrslitum en Fannar lagði
Kristján Benedikt Sveinsson úr GA í hinni
undanúrslitaviðureigninni 2/1. Arnór sigraði
í flokki 14 ára og yngri í fyrra á þessu móti.
Henning Darri Þórðarson úr Keili sem
sigraði á tveimur fyrstu mótunum á Íslands-
bankamótaröðinni í flokki 15-16 ára fékk
frávísun eftir höggleikskeppnina. Hann
skrifaði undir skorkort sem var ekki rétt
skráð og fékk Henning því ekki að taka þátt í
16 manna úrslitum keppninnar.
Ólöf María Einarsdóttir úr Golfklúbbnum
Hamri á Dalvík fagnaði sigri annað árið í röð
á þessu móti. Hún stóð uppi sem sigurvegari
fyrir ári í flokki 14 ára og yngri og hún
fagnaði sigri í telpnaflokki 15-16 ára eftir
frábæran úrslitaleik gegn Sögu Traustadóttur
úr GR. Úrslitin réðust á 19. holu.
Eva Karen Björnsdóttir úr GR varð þriðja en
hún sigraði Melkorku Knútsdóttur úr GKG
2/1 í leiknum um þriðja sætið. Í undanúr-
slitum mættust Saga og Melkorka og þar
hafði Saga betur 3/1. Í hinni undanúrslita-
viðureigninni hafði Ólöf María betur 2/1
gegn Evu.
Sigurður Arnar Garðarsson, GKG, fagnaði
sigri í flokki 14 ára og yngri en hann lék til
KYLFINGAR FRÁ
LANDSBYGGÐINNI
SIGURSÆLIR
- á Íslandsmóti unglinga
í holukeppni á Urriðavelli
Áskoranir á mörkuðum hafa sjaldan verið meiri en nú. Tækifærin
sem þeim fylgja geta verið dýrmæt. Njóttu ráðgjafar sér fræð­
inga við mat á fjárfestingarkostum og nýttu tækifærin á verð­
bréfa markaði með eignastýringu MP banka. Þjónusta okkar er
sniðin að þörfum viðskiptavina og við bjóðum fjölbreytt úrval
fjárfestingarleiða til að ná ávöxtunarmarkmiðum hvers og eins.
Kynntu þér framúrskarandi
þjónustu sérfræðinga
eignastýringar MP banka
og fáðu kynningarfund.
www.mp.is Hafðu samband
einkabankathjonusta@mp.is
Nánari upplýsingar um fj árfestingarleiðir
og verðskrá á www.mp.is eða í síma 540 3230.
Eignastýring MP banka
Ragnhildur
Kristjánsdóttir.
Tumi Hrafn
Kúld á teig.