Golf á Íslandi - 01.07.2014, Blaðsíða 126

GOLF Á ÍSLANDI • www.golf.is
126
Þetta ár hefur verið eins og draumur fyrir
þig. Það hlýtur að hafa verið erfitt að halda
áttum?
Ég er svo heppinn að hafa virkilega gott fólk
í kringum mig. Fjölskylda mín og kærastan
mín hafa reynst mér vel. Pabbi er fyrsti
maðurinn til að kippa mér niður á jörðina
þegar ég er farinn að ofmetnast.
Vinir mínir tala stundum um þennan
árangur og hversu ríkur ég á eftir að verða og
allt það, og þá er auðvelt að láta sig dreyma,
en svo eru aðrir vinir sem ég spila með fljótir
að láta mig heyra það ef ég slæ slæmt högg
eða spila ekki nógu vel.
Hvað finnst þér það merkilegasta sem þú
hefur áorkað til þessa?
Ég held að sigurinn á bandaríska áhuga-
mannamótinu sé besti árangurinn minn enn
sem komið er. Það var mjög gaman að fá
Silfurmedalíuna og frábær reynsla að spila
á Opna bandaríska. En með fullri virðingu
fyrir hinum áhugamönnunum sem þarna
voru, þá voru þeir bara sjö talsins, þann-
ig að sigurlíkurnar voru auðvitað nokkrar.
Á áhugamannamótinu er mikill fjöldi; þetta
er holukeppni sem tekur marga daga, þann-
ig að sigur þar er miklu erfiðari. Ég spilaði
mjög vel; var með Alex bróður minn á
pokanum og fjölskylduna á staðnum, þannig
að þetta var frábær reynsla.
En hvað með Mastersmótið?
Það var auðvitað mjög skemmtilegt. Ég
naut reynslunnar og Augusta er auðvitað
einstakur völlur. Mitt markmið var að
komast í gegnum niðurskurðinn, en mér
tókst það ekki. Kannski var ég að búast við
betri árangri. Allir kepptust við að segja
mér hversu vel ég hefði staðið mig, en ég
var sjálfur óánægður með spilið. Ég vissi
síðan ekki sjálfur hversu nærri ég var því að
komast í gegn; ég hefði kannski komið að
næst síðasta púttinu með öðru hugarfari,
hefði ég gert mér grein fyrir því.
Þú spilaðir æfingahring með Rory; spilaðir
svo fyrstu hringina með Scott og Duffner.
Svo spilaðir þú með Rose og Mickelson
á Pinehurst. Hvað lærðir þú af þessum
meisturum?
Ég nýtti auðvitað tækifærið og spurði þá
spjörunum úr, um reynslu þeirra af því að
gerast atvinnumenn, hvernig þeir skipuleggja
golfið, markmið þeirra og annað. Ég lærði
mikið af þessu, og stundum man ég litlu
hlutina, eins og þegar ég stend yfir boltanum,
þá hugsa ég allt í einu; ´já, Adam gerði þetta´
eða ´Phil sló þennan bolta svona´. Því meiri
reynslu sem ég öðlast, því betra, því ég hef jú
bara spilað í fjórum mótum síðan ég gerðist
atvinnumaður. Ég er þannig ennþá að læra,
og vonandi verð ég einhvern tímann eins
góður og þeir.
Höfðu þessi ráð frá þeim áhrif á ákvörðun
þína að gerast atvinnumaður?
Ég var búinn að tala um þetta í nokkurn
tíma, aðallega við foreldra mína og þjálfara;
spurningin var bara um tímasetningu. Mig
langaði auðvitað mikið að spila á Opna
bandaríska og reyna að sigra þar sem áhuga-
maður. Nú fæ ég auðvitað ekki lengur sjálf-
krafa keppnisrétt á því móti, en ég vona að
mér takist að komast að.
Verður breytingin auðveld fyrir þig?
Þetta er stórt skref – en þetta er líka næsta
skref. Breytingin verður talsverð, til dæmis
vegna þess að holukeppni er mun algengari
meðal áhugamanna, og það eru mun minni
væntingar gerðar til manns, þegar maður fer
í stórmót eins og Masters. Núna er ég í raun
að spila upp á framtíðina. Ég hef fengið boð
á sjö atvinnumannamót á þessari leiktíð,
og þarf að spila vel til að fá keppnisrétt á
Evrópumótaröðinni. Ég hef líka hugsað mér
að spila á Challenge mótaröðinni, og reyna
að komast þannig inn.
Saga Fitzpatricks til þessa
2004
FEBRÚAR
Faðir hans,
Russel, fær
hann til að
byrja í golfi.
Gengur í
Hallamshire
klúbbinn níu
ára að aldri.
2005
JÚLÍ
Fitzpatrick
sigrar á ungl-
ingamótinu á
Hallamshire
vellinum.
2007
Er í sigurliði Hal-
lamshire í Breska
unglingameist
aramótinu. Spilar
í liði Englands
á Unglinga-
meistaramóti á
La Manga vell-
inum á Spáni.
2008
Sigrar á fjölda
móta, bæði fyrir
unglinga og full-
orðna kylfinga,
þar á meðal á
Captain’s Cup
mótinu, Hallams-
hire Cup, Fjórleik
og Meistaramóti
Hallamshire í
fyrsta skipti sem
hann tekur þátt,
aðeins 13 ára
gamall.
2010 2012 2013 2013
Sigrar aftur á
Meistaramóti
Hallamshire.
MAÍ
Tekur A-level
próf í landa-
fræði, sögu og
leikfimi. Fær B,
C og C.
ÁGÚST
Hefur yfir-
burði á Breska
drengjamótinu
á Hollinwell
vellinum. Sigrar
í 36 holu úrslita-
leik 10/8. Sigrar
í þriðja skiptið í
röð á Meistara-
móti Hallams-
hire.
JÚLÍ
Vinnur Silfur-
medalíuna, sem
besti áhuga-
maðurinn á
Opna breska
meistara-
mótinu. Endar
í 44. sæti á 10
yfir pari; fimm
höggum á
undan Jimmy
Mullen.
Eftir sigurinn á Opna bandaríska áhugamanna
(US Amateur) með fjölskyldunni.