Leikskrár Þjóðleikhússins - 10.02.1984, Blaðsíða 14

SON GTEXTAR
Hvað var það sem hermannsfrúin fékk?
Hvað var þaS sem hermannsfrúin fékk
frá því forna setri Pragl
Frá Prag fékk hún skó með háum hæl,
vertu blessuð og sæl og háan hæl.
Það var það sem frúin fékk frá Prag.
Hvað var það sem hermannsfrúin fékk
frá Varsjá við Weichselsá?
Frá Varsjá hún fékk svo fagurt lín
í öll fötin sín þetta fína lín.
Þetta fékk hún frá Weichselsá.
Hvað var það sem hermannsfrúin fékk
frá Osló yst við sæ?
Frá Osló fékk konan kragaskinn,
í kragann sinn fékk hún kragaskinn.
Það fékk hún frá Osló yst við sæ.
Hvað var það sem hermannsfrúin fékk
frá þeim ríka Rotterdam?
Frá Rotterdammi fékk hún flottan hatt
það er alveg satt hún fékk Hollandshatt.
Þetta fékk hún frá Rotterdam.
Hvað var það sem hermannsfrúin fékk
frá Briíssel í Belgíu?
Frá Belgíu fékk hún blúndur og pífur,
það er land sem blífur með blúndur og pífur.
Þetta fékk hún frá Belgíu.
Hvað var það sem hermannsfrúin fékk
úr birtunni í Parísarborg?
Frá París fékk hún sendan silkikjól.
og hún skein eins og sól í þeim silkikjól.
Þetta fékk hún frá Parísarborg.
Hvað var það sem hermannsfrúin fékk
frá því risavaxna Rússlandi?
Frá Rússlandi aðeins ekkjuslör,
eina jarðarför og ekkjuslör.
Þetta fékk hún frá Rússlandi.