Fróðskaparrit - 01.01.1957, Side 88

94
Yvirlit yvir innskotin grótslag í Føroyum
fláunum. Tað tykist nú, sum markið millum hesar báðar
partarnar er um leið sama hæddin í fláarskipanini sum
ovara innskotshæddin, har flestu syllarnar eru innskotnar.
Streymoyarsyllin sker seg gjøgnum samankomingina milb
um niðara og ovara partin eystantil á Sátuni, undir Tranti
og í Gjáarbotni. Tað sama ger Eysturoyarsyllin millum
Rustina og Knubbagil og norðan fyri Oyrarskarð. Hóast
kortleggingin ikki er liðug í Norðuroyggjum enn, ber
kortini væl til at ætla um, at syllarnar í Fugloy og í
Svínoy eru ógvuliga nær markinum, har tær eru lægstar.
Syllin upp av Morskranesi sker seg gjognum markið und»
ir Melheyggi. Syllin við Hórisgøtu er eitt sindur ovari,
og syllin millum Gásafjall og Vestmanna og syllin í
Hægstafjalli eru báðar væl niðari enn hinar. Tað kundi
verið líkt til, at hesar báðar seinastu syllarnar hoyra
saman.
Viðvíkjandi aldri, so er fyrst at siga, at tvørgrýtisgongí
irnar eru yngri enn tær regluligu basaltfláirnar, tí tær
ganga upp i gjøgnum alla fláarskipanina. Tey óregluligu
innskotini síggjast mangastaðni ganga upp gjøgnum gos*
myrjuna, upp í ovaru basaltfláirnar, og sum framman und*
an nevnt, sæst sovorðið samband millum tey óregluligu
innskotini og gongirnar (í Hamranesi suðuri í Hvalba og
í Akranesi vesturi í Vágum), at vit fara at halda hesi
innskot vera nakað um sama aldur sum gongirnar og tí
eisini yngri enn ovaru basaltfláirnar. Viðvíkjandi syllunum,
so ber til at siga við vissu, at summar gongir eru eldri
enn syllarnar. Gongirnar í Ravnagjógv og í Navagjógv
suður gjøgnum Sátuna eru báðar eldri enn Streymoyar»
syllin, og gongirnar í Knubbagili og norðan fyri Oyri eru
báðar eldri enn Eysturoyarsyllin. Gongir, sum skera seg
gjøgnum syllina, hava vit ikki verið varir við enn, men
kortini fara vit at halda, at syllarnar væl kunnu vera um
nakað sama aldur sum hini innskotssløgini, tí gongin í
Gjáarbotni er, tað vit higartil hava dugað at sæð, tilførsla
til Streymoyarsyllina.