Fróðskaparrit - 01.01.1961, Síða 12

18
Serumcholesterolnøgdin hjá Føroyingum
verur hevur menniskjan eina vissa lívsgongd, hon verður
gitin, nælir, verður borin í heim, mennist og búnast, doyr so.
Rannsaka vit nú gjollari tær menniskjur, ið liva undir
bestu umstøðum, og kortini eru deyðar uttan rættiliga
sjónska atvold, men av tí, vit vanliga kalla elli, finna vit
hjá teimum ymist, ið er felags, so sum vissar úrskepandi
likamsbroytingar: tannrot, fiti, ið legst í ymiss yrkisgøgn,
slitgikt í liðum og í rygginum og æðrakálking. Æðrakálk*
ingin kemur serstakliga í hjartalívæðrarnar, heilalívæðrarnar
og nýrnalívæðrarnar, og í lívæðrarnar í gongulimunum.
Eftirsjúkur við æðrakálking eru: blóðproppur í hjartanum,
heilabløðingar, tað at starvið hjá nýrunum gerst vánaligt
og kolubrandur í fótunum, og hesar eftirsjúkur eru tíðum
beinleiðis deyðaatvoldin. Við øðrum orðum: tó at einstakb
ingurin er uppvaksin í og hevur livað undir bestu um*
støðum, verður deyðin kortini fyrri ella seinri at taka hann
aftur.
Háaldur menniskjunnar tori eg ikki at siga nakað um,
men eg vil vara fólk við at líta alt ov mikið á skrivligar
eins væl og munnligar frásagnir um hann. Serliga eigur ein
at vera varin, tá ið talan er um frásagnir, ið eru meira enn
300 ára gamlar, tí ikki fyrr enn í seinastu øldunum eru
allir barnburðir gjølliga skrásettir, — andlátini afturímóti
hava teir skrásett nágreiniligari. í summum londum er skrá*
setingin enn sum best ber til og er heilt óálítandi. Ein eigur
tí at vera ógviliga tortrúgvin, tá ið sagt verður frá, at í summ*
um sa’nfeløgum eru fólk, ið eru meira enn 150 ára gomul.
1 londunum í Vestureuropu, har skrásetingin av barnburðum
mest at kalla er í lagi, er sera sjáldsamt at finna mann ella
kvinnu, ið er meira enn 105 ár. Hvørt norðmaðurin Kristen
Jacobsen Drakenberg nú varð 146 ára gamal, verður neyvan
prógvað, men eftir frásagnunum, ið til eru, vita vit, at hann
doyði 9. oktober 1772, og hildið verður, at hann varð borin
í heim 16. november 1626. I seinnu árum hava vit tíðum
lisið í bløðum og vikubløðum, men, so løgið tað er, aldri
í vísindaligum tíðarritum, at á vissum støðum í Russlandi,