Fróðskaparrit - 01.01.1961, Blaðsíða 54

60
Bústaður í Eingjartoftum, Sandavági
um á ymsan hátt, tá ið teir bygdu, sbr. Syðrugøtu.5 í hesum
føri hava teir tó uttan iva maktað at slætta vestursíðuna og
beinka hana eftir vegginum niðanfyri, síðan hava teir laðað
vegg av stórum gróti upp fyri jarðarmunin. Summir av
hesum laðingarsteinum vóru nú glidnir oman, men legstað*
urin stóð skilligur eftir, teir eru tí nú lagdir aftur á sama
stað, sum teir hava ligið. Hesin veggur ella uppundirlaðing
tykist ikki hava verið stórt hægri, enn hon er okkum varð*
veitt, tað er frá 0,50—0,75 m. í norðara enda er hon ikki til,
uttan iva tí at steinarnir eru tiknir burtur onkuntíð, benið
eftir henni er tó greitt og steinsett er omanfrá, har ið lað*
ingin stóð.
Millum hesa laðing og tann 1 — 1,50 m tjúkka eystur*
veggin á húsunum er sera vakurt hellusetta skotið, ið var
fylt við øsku, tað er yvirhøvur 1,25 m breitt, og er opið
í báðum endum; menn hava tí sloppið eftir slættu hellu*
setingini til húsini bæði norðan* og sunnanífrá. Sum er,
gongur hon ikki longur norður enn árakað landsynnings*
hornið á húsi I, men so mikil farvegur var tó eftir av henni
her, at vit tora at siga, at hon hevur ligið fram við húsi II
eisini; norðanfyri hús II er aftur steinsett, kortini við øðrum
gróti. Uttan iva hevur hellusetingin gingið yvir at áarløk*
inum, — mataránni hjá teimum her búðu, — sunnan fyri
húsini, (sí 2. mynd).
Hús I venda í landnyrðing—útsynning og eru 6 m long,
3 m breið innan, rúmið er ferhyrnt við veggjum sum upp*
runaliga hava verið beinir, støðið er yvirhøvur greitt, bara
eysturveggurin er avlaðaður, og av norðara vanga er suður*
parturin burtur, men støðisteinar og helluseting vístu, hvussu
langur hann hevur verið suðureftir. Yvirhøvur standa bara
grundasteinarnir eftir, í vesturveggi eru kortini í støðum
2 umfar, veggjahæddin er tí bara 0,25—0,70 m. Allir vegg*
irnir eru ífyllingarveggir, men øðrvísi enn teir, ið vit fyrr
hava sæð her á landi í rannsakaðum toftum; har eru flest
allir laðaðir av rundbøllingi, malargróti ella óslignum gróti,
sum menn hava leitað sær her og har og Iagt inn og