Føroya kunngerðasavn A og B - 31.05.1996, Qupperneq 37

121
Nr. 78
28. mai
KUNNGERÐ
um
aktivering av forsorgarstuðli
Við heimild í § 10, stk. 4 í »Lov for Færøeme om
offentlig forsorg« (forsorgarlógini), smb. lógarkunn-
gerð nr. 100 frá 2. mars 1988, við seinni broytingum,
hevur landsstýrið fyrisett:
§ 1. Henda kunngerð fevnir um fólk undir 27 ár, sum
fáa hjálp eftir § 9, stk. 3 í forsorgarlógini. Landsstýrið
kann eftir umstøðunum loyva, at eisini fólk yvir 26 ár
koma undir skipanina.
§ 2. Aktivering av forsorgarstuðli fer fram við at tað
kemur at standa fólki í boði at vera við í verkætlan-
um. Miðast skal ímóti, at tann einstaki skal fáa fleiri
verkætlanir at velja ímillum.
Stk. 2. Tíðin ein er við í verkætlanum eigur at vera 6
mánaðar um árið.
Stk. 3. Frá tí at umsøkjari fyrsti ferð vendir sær til Al-
mannastovuna um hjálp eftir § 9, stk. 3 í forsorgar-
lógini, eigur ikki at ganga meira enn 3 mðr. til tað
stendur viðkomandi í boði, at verða við í eini verk-
ætlan.
Virkisætlanir
§ 3. Almannastovan ger eina ætlan fyri tann einstaka,
eftir at hesin hevur fingið játtað forsorgarhjálp eftir §
9, stk. 3 í forsorgarlógini, samanhangandi í 6
mánaðar.
Stk. 2. Ætlanin skal innihalda eina lýsing av forsøg-
uni hjá tí einstaka, hvørji mál viðkomandi hevur, um-
framt eina lýsing av teimum tiltøkum, ið eru neyðug
fyri at málini kunnu røkkast.
Stk. 3. Almannastovan tekur ætlanina upp til viðgerð-
ar einaferð hvørt hálvár fyri at kanna, um tørvur er á
broytingum. I hesum sambandi skal dentur leggjast á
at meta um møguleikamar hjá tí einstaka at fáa van-
ligt arbeiði ella at fara undir útbúgving.
Veitingar og tíðir
§ 4. Arbeiðsvikan fyri tann sum er við í eini verk-
ætlan, er 25 tímar í miðal.
Stk. 2. Sýtir tann einstaki at vera við í eini verkætlan,
jbr. § 2, verður forsorgarhjálpin sett niður í 50%, og
hjálpin kann útgjaldast dag fyri dag.
Stk. 3. Er tann einstaki við í eini verkætlan, og møtir
minni enn 50% av tíðini, smbr. stk. 1, verður veiting-
in eftir § 9, stk. 3 í forsorgarlógini, sett niður í 50%.
Stk. 4. Er tann einstaki við í eini verkætlan, og møtir
50% ella meiri av tíðini, smbr. stk. 1, verður veitingin
eftir § 9, stk. 3 í forsorgarlógini, ein lutfallsliga eins
stórur partur og uppmøtingin.
Stk. 5. Er tann einstaki við í eini verkætlan, og møtir
meiri enn 75% av tíðini, smbr. stk. 1, verður, í tann
mun forsorgarlógin loyvir tí, eitt ískoyti givið.
Iskoytið verður ásett í mun til tað, sum uppmøtingin
er yvir 75%, tó í mesta lagi kr. 1000,-.
§ 5. Henda kunngerð fær gildi dagin eftir, at hon er
lýst.
FØROYA LANDSSTÝRI, 28. mai 1996
Andreas Petersen (sign.)
landsstýrismaður
/ Johnny Winther Holbech (sign.)